1 Aydaad 6 - NABUWWA KEE MALIKWA

LEEWIK RADE MARA

¹ Leewi lab-xaylok sidoc luk yen. Ken migaq Gerson kee Kohat kee Maraari deqsitak yen.

² Kohat affara lab-baxa luk yen. Ken migaq Qamram kee Yixharaay, Cebron kee Quddiyeelik ten.

³ Qamram xaylo, Haaruun kee Muusa kee Miriyam deqsitak ten. Haaruun affara lab-baxa luk yen. Ken migaq Nadab kee Abiihuuy, Alqedar kee Itaamarak ten.

⁴ Alqedaraay Fincas xaleeh, Fincasaay Absuwaq xaleeh,

⁵ Absuwaqaay Bukki xaleeh, Bukkiiy Quddi xaleeh,

⁶ Quddiiy Daracya xaleeh, Daracyaay Maraayot xaleeh,

⁷ Maraayotuuy Amarya xaleeh, Amaryaay Aciitub xaleeh,

⁸ Aciitubuuy Saaduk xaleeh, Saadukuuy Acimqax xaleeh,

⁹ Acimqaxaay Qadarya xaleeh, Qadaryaay Yocanan xaleeh,

¹⁰ Yocananaay Qadarya xale. Qadarya, Suleeman Yarusalaamal xise Qibaadah-Qaril Yallih seekih yen.

¹¹ Qadaryaay Amarya xaleeh, Amaryaay Aciitub xaleeh,

¹² Aciitubuuy Saaduk xaleeh, Saadukuuy Sallum xaleeh,

¹³ Sallumuuy Cilkiyya xaleeh, Cilkiyyaay Qadarya xaleeh,

¹⁴ Qadaryaay Seraaya xaleeh, Seraayaay Yahuuxadak xale.

¹⁵ YALLI, Nabkadnessar-gabat Yuuda kee Yarusalaam mara seewah ruube saaku, Yahuuxadak ken lih seewah been.

¹⁶ Leewi lab-xaylok sidoc luk yen. Ken migaq Gerson kee Kohat kee Maraarik ten.

¹⁷ Gerson lab-xaylo, Libni kee Simqi deqsitak ten.

¹⁸ Kohat affara lab-baxa luk yen. Ken migaq Qamram kee Yixharaay, Cebron kee Quddiyeelik ten.

¹⁹ Maraari namma lab-baxa luk yen. Oson migaaqah Macli kee Muusi deqsitak yenen. Ken aydaadi elle yascasse'nnal, Leewî-kedok exxa akak radde mara kee ken abbobtih yen marih migooqa ah teeti.

²⁰ Gerson Libni xaleeh, Libniiy Yacat xaleeh, Yacataay Dimma xaleeh

²¹ Dimmaay Yowac xaleeh, Yowacaay Qiddo xaleeh, Qiddooy Dara xaleeh, Daraay Yatray xale.

²² Kohatak rade marih migooqa ah teeti. Kohataay Qamminadib xaleeh, Qamminadibiiy Korac xaleeh, Koracaay Assir xaleeh,

²³ Assiriiy Elkaana xaleeh, Elkaanaay Ibiyaasaf xaleeh, Ibiyaasafaay Assir xaleeh,

²⁴ Assiriiy Tacat xaleeh, Tacataay Uriyel xaleeh, Uriyeliiy Quddiyya xaleeh, Quddiyyaay Saawul xale.

²⁵ Elkaana, Qamaasay kee Aciimot xaleeh,

²⁶ Aciimotuuy Elkaana xaleeh, Elkaanaay Xoofay xaleeh, Xoofayaay Nacat xaleeh,

²⁷ Nacataay Aliyab xaleeh, Aliyabaay Yaroocam xaleeh, Yaroocamaay Elkaana xale.

²⁸ Samuwel lab-xaylok nammay luk yen. Naharsi-baxi Ayyuqelik teneeh; nammayhaytô baxi Abiyyak ten.

²⁹ Maraarik rade mari ah keeni. Macli Libni xaleeh, Libniiy Simqi xaleeh, Simqiiy Qudda xaleeh

³⁰ Quddaay Simqa xaleeh, Simqaay Caggiya xaleeh, Caggiyaay Qasaaya xale.

QIBAADÂ-QARIL SAARE ABAK YEN MARIH MIGOOQA

^31-33 YALLIH Qahdi addat akak yan Sandug Yarusalaam fan baaheenik lakal, Malik Dawud, Yallih qibaada elle aban ikkel, woo qibaadak foocat gacca 'yeh saare absiisu waa mara doore. Suleeman Yarusalaamal Yallih Qibaadah-Qari xisaamak dumal, too mari Yallih Nabnah-Siraqih foocal takke saare elle aban inna yascasse amri akah iyya'nnal aben. Too marih migooqa ah teeti. Ken xaylo saarel ken catak ten. Kohatak rade marak, Heeman deqsita saare-abe yen. Heeman akak rade marih migooqa ah teeti. Heeman Ayyuqel-baxaay, Ayyuqel Samuwel-baxaay

³⁴ Samuwel Elkaanâ-baxaay, Elkaana Yaroocam-baxaay, Yaroocam Alyel-baxaay, Alyel Towac-baxaay,

³⁵ Towac Xuuf-baxaay, Xuuf Elkaanâ-baxaay, Elkaana Macat-baxaay, Macat Qamaasay-baxaay

³⁶ Qamaasay Elkaanâ-baxaay, Elkaana Ayyuqel-baxaay, Ayyuqel Qadaryâ-baxaay, Qadarya Xafanyâ-baxaay

³⁷ Xafanya Tacat-baxaay, Tacat Assir-baxaay, Assir Ibiyaasaf-baxaay, Ibiyaasaf Korac-baxaay

³⁸ Korac Yixhar-baxaay, Yixhar Kohat-baxaay, Kohat Leewi-baxaay, Leewi Israayil-baxak ten.

³⁹ Heemanah ramad le numuy Asaf deqsitak migda le kabuk kaak soolak kaa catak yen. Asaf akak rade marih migooqa ah teeti. Asaf Barkiyyâ-baxaay, Barkiyya Simqâ-baxaay

⁴⁰ Simqa Mikaayil-baxaay, Mikaayil Baqseeyâ-baxaay, Baqseeya Malkiyâ-baxaay

⁴¹ Malkiya Etni-baxaay, Etni Darâ-baxaay, Dara Qadaayâ-baxaay

⁴² Qadaaya Etan-baxaay, Etan Dimmâ-baxaay, Dimma Simqi-baxaay

⁴³ Simqi Yacat-baxaay, Yacat Gerson-baxaay, Gerson Leewi-baxak ten.

⁴⁴ Keenih ramad le maray Maraarik radehiyya Heemanak guri kabul soolak ken catak yenen. Keenik foocal yan num Etan deqsitak yen. Etan Keesi-baxaay, Keesi Qabdi-baxaay, Qabdi Malluk-baxaay

⁴⁵ Malluk Casabyâ-baxaay, Casabya Amaxyâ-baxaay, Amaxya Cilkiyyâ-baxaay

⁴⁶ Cilkiyya Amxi-baxaay, Amxi Baani-baxaay, Baani Samar-baxaay

⁴⁷ Samar Macli-baxaay, Macli Muusi-baxaay, Muusi Maraari-baxaay, Maraari Leewi-baxak ten.

⁴⁸ Keenik kalah yan Leewik rade marah tontocowwe taama, Qibaadâ-Qaril saarek kalah tan taama. Siraq qaada wagga haytam ken gabal sugte.

HAARUUNUK RADE MARA

⁴⁹ Muusay Yallih naqasuh yenehiyya keenih warse Yallih amri elle iyya innal, Haaruun kee kaak rade mari, Israayil marih dambi kalaana'gidih, sadgat elle cararisan aracal sadgat abaanam kee, qaydarus elle qeerisan aracal qerto ruubaanam kee, Kulliimik-Taahiriinoh-Yayse-Golil wohuk kalah enna 'taamay faxxintahiyya aben.

⁵⁰ Haaruunuk rade mari ah kaana. Kay baxi Alqedar Fincas xaleeh, Fincasaay Absuwaq xaleeh,

⁵¹ Absuwaqaay Bukki xaleeh, Bukkiiy Quddi xaleeh, Quddiiy Daracya xaleeh,

⁵² Daracyaay Maraayot xaleeh, Maraayotuuy Amarya xaleeh, Amaryaay Aciitub xaleeh,

⁵³ Aciitubuuy Saaduk xaleeh, Saadukuuy Acimqax xale.

LEEWIK RADE MARI ELLE GACE BAAXO

⁵⁴ Naharak baaxo akah yeceenim, Kohat deqsita gulubuy Leewi akak iyyan numuk radehiyyak Haaruunuk rade marak ten. Keenih yeceen magaalooli ah teeti.

⁵⁵ Yuudâ-rasul geytimta Cebron magaala kee tet dariifal tan lacti malaalah baaxo keenih yeceen.

⁵⁶ Tonna'mmay woo magaala deraafil tan baqurê-baaxo kee tet dariifal tan gaandoodi Yafunnê-baxa Kaalibih yeceen.

⁵⁷ Megloh elle gexan magaalooli Haaruunuk rade marah yeceen. Tohum, Cebron kee Libna kee tet dariifal tan lacti malaalah baaxo kee, Yattir kee Estamowaq kee tet dariifal tan lacti malaalah baaxo kee,

⁵⁸ Ciilen kee tet dariifal tan lacti malaalah baaxo kee, Dabiir kee tet dariifal tan lacti malaalah baaxo kee,

⁵⁹ Qasan kee tet dariifal tan lacti malaalah baaxo kee, Beet-Semes kee tet dariifal tan lacti malaalah baaxok ten.

⁶⁰ Wohuk kalah kaadu Benyam-kedo luk sugte baaxol, Gabaq kee tet dariifal tan lacti malaalah baaxo kee, Qalemet kee tet dariifal tan lacti malaalah baaxo kee, Qanatot kee tet dariifal tan lacti malaalah baaxo keenih yeceen. Sittat taban kee sidoc takke magaalooli Haaruunuk rade marah yeceen.

⁶¹ Kohat gulubuk Haaruunuk rade marak kalih marah, ayrô-culma le kabut raqta Manasseh baaxol saami caxxa qidak tabna magaala keenih yeceen.

⁶² Gersonuk rade marah Issakar kee Aaser kee Naftaali kee Basan deqsita aracal gacte Manasseh baaxok taban kee sidiica magaala takkem keenih yeceen.

⁶³ Maraarik rade marah yeceenim, taban kee namma magaalaay; akak yeceenim, Ruuben kee Gaad kee Dablon deqsita marih baaxok ten.

⁶⁴ Tonnal Israayil mari, Leewî-kedok rade marah magaalooli kee ken dariifal tan lacti malaalah baaxo yeceen.

⁶⁵ Tonnah kaadu, Yuuda kee Simqaan kee Benyam gufta baaxol saami caxxa qidak migaq akak xagen taban kee sidiica magaala Leewî-kedok rade marah yeceen.

⁶⁶ Leewî-kedok Kohat deqsita marak garabah kaadu, Efrayim marih magaaloolik tu takkem yeceen.

⁶⁷ Megloh elle gexan magaalooli keenih yeceen. Tohumuu, Seekem-magaalay Efrayimik qaleela le baaxol geytimtahiyya kee tet dariifal tan lacti malaalah baaxo keenih yeceen. Geser kee

⁶⁸ Yokmaqam kee Beet-Coron kee

⁶⁹ Ayyaalon kee Gat-Rimmon deqsitta magaalooli kee lacti malaalah baaxoy woo magaaloolih dariifal tanihiyya keenih yeceen.

⁷⁰ Manassek ayrô-culma le kabuk tan baaxok namma magaala keenih yeceen. Tohuu, Qanar kee Bilqam deqsitta namma magaala kee woo namma magaalah dariifal tan lacti malaalah baaxo keenih yeceen.

⁷¹ Leewih yooboke marak Gerson deqsita gulubuk rade marah, ayrô-mawqat raqte Manasseh baaxok Goolan deqsitta magaalay Basanal geytimtahiyya kee Qastarot deqsitta magaala kee a namma magaalah dariifal tan lacti malaalah baaxo keenih yeceen.

^72-73 Issakar kedo le baaxok affara magaala keenih yeceen. Tohumuu, Kedes kee Dabrat kee Raamot kee Qanam kee, a affara magaalah dariifal tan baaxoy lacti qayso lehiyya keenih yeceen.

^74-75 Aaser kedo le baaxok affara magaala keenih yeceen. Tohumuu, Maasal kee Qabdon kee Cukok kee Racob deqsitta magaalooli kee woo magaaloolih dariifal tan baaxoy lacti qayso lehiyya keenih yeceen.

⁷⁶ Naftaali kedo le baaxok sidiica magaala keenih yeceen. Galiil addal tan magaalay Kedes deqsittahiyya kee tet dariifal tan lacti malaalah baaxo kee, Cammon kee Kiryatayim deqsitta magaalooli kee tet dariifal tan lacti malaalah baaxo keenih yeceen.

⁷⁷ Leewî-kedok wohuk raaqe maray Maraari-gulubuk radehiyya Dablon kedo le baaxok namma magaala keenih yeceen. Tohumuu, Rimmoona kee Taabor kee woo magaaloolih dariifal tan lacti malaalah baaxo keenih yeceen.

^78-79 Ordon-weeqaytih garil tan Yerikô-magaalak ayrô-mawqa le kabul, Ruuben kedo le rasuk affara magaala keenih yeceen. Tohumuu, bacarih tan baaxol ten Bexer kee Yahxa kee Kadeemot kee Mefaqat kee tet dariifal tan lacti qaysoh baaxo keenih yeceen.

^80-81 Gaad kedo le rasuk affara magaala keenih yeceen. Tohumuu, Gilqad baaxol geytimta Raamot deqsitta magaala kee Macanaayim kee Cesbon kee Yaqder kee woo magaaloolih dariifal tan lacti malaalah baaxo keenih yeceen.