1 Aydaad 3 - NABUWWA KEE MALIKWA

DAWUD KEE SULEEMANAK RADE MARA

¹ Dawud Cebron deqsitta magaalal daffeyak yen saaku xale lab-xaylo, ah keeni. Naharsi-baxi kaak migaaqah Amnon deqsitak yen. Too awkih ina Acinooqam deqsitak ten. Is elle toobokem, Yidraqel deqsitta magaalak ten. Nammeyhaak xale baxi Daaniyel deqsitak yen. Too awkih ina Abiigal deqsitta barrak ten. Ta barra elle tembem, Karmel deqsita araca.

² Sidochaytô-baxi kaak migaaqah Absalaam deqsitak yen. Ta awkih ina Maqka deqsitta barrak ten. Tet abba Gasur deqsitta baaxoh malikik teneeh; migaaqah Talmayi kaak axcuk yenen. Fereyhaytô-baxi migaaqah Qadoona deqsitak yen. Kay ina, migaaqah Caggit deqsitak ten.

³ Konoyhaytô-baxi kaak Safatya deqsitak yen. Ta awkih ina Abiital deqsitta barrak ten. Laceyhaytô-baxi kaadu Yitraqam deqsitak yen. Too awkih ina Qegla deqsitta barrak ten.

⁴ Ta lica awki inkih elle yoobokem, Cebron deqsitta magaalak ten. Dawud Cebron deqsitta magaalal daffeyak, malcina sanat kee garab malikih suge. Tohuk lakal kaadu Yarusalaam magaalal daffeyak, soddom kee sidooca sanat malikih suge.

⁵ Yarusalaam magaalal lab-xaylok xalem, Simqa kee Soobab kee Naatan kee Suleeman. A affara awka kaah xaltem, Batsabaq deqsitta barraay; tet abba Qammiyel deqsitak yen.

⁶ Dawud wohuk kalah kaadu, Yarusalaamal lab-xaylok sagaal xale. Migooqa keenik, Yibcar kee Alisamaq kee Elifalat kee

⁷ Nooga kee Nefeg kee Yafiyaq kee,

⁸ Alisamaq kee Elyadaq kee Elifalatak ten.

⁹ Ta mari inkih Dawud lab-xaylok ten. Wohuk kalah kaadu, caggô-gubih caggoh nikaacat yabbixe agbi lab-xaylo kaah xale. Dawud kaadu Tamaari deqsitta baxá xale.

¹⁰ Suleemanak rade marih migooqa ah teeti. Suleeman Racabqam xaleeh, Racabqamaay Abiyya xaleeh, Abiyya Aasa xaleeh, Aasa Yahoosafat xaleeh,

¹¹ Yahoosafat Yahooram xaleeh, Yahooram Acadya xaleeh, Acadya Yooqas xaleeh,

¹² Yooqas Amaxya xaleeh, Amaxya Quddiyya xaleeh, Quddiyya Yootam xaleeh,

¹³ Yootam Acad xaleeh, Acad Ciskiyyaahu xaleeh, Ciskiyyaahu Manasse xaleeh,

¹⁴ Manasse Amon xaleeh, Amonuuy Yoosiyaahu xale.

¹⁵ Yoosiyaahu lab-xaylok ferey xaleeh; Yocanan kee Yahoyaakim kee Xidkiya kee Sallum deqsitak yenen.

¹⁶ Yahoyaakimiiy, Yahoyaasin kee Xidkiya xale.

¹⁷ Baabelon mari Yahoyaasin seewah bee. Kaak rade mari ah keeni. Usuk lab-xaylok malciin luk suge. Migooqa keenik, Saltiyal kee

¹⁸ Malkiram kee Fadaaya kee Senaxxar kee Yakamya kee Hosaamaq kee Nadabyak ten.

¹⁹ Fadaaya lab-xaylok nammay xaleeh; Darabbabel kee Simqi deqsitak yenen. Darabbabel kaadu lab-xaylok nammay xaleeh; Masullam kee Cananya deqsitak yenen. Baxá kaak Seloomit deqsitak ten.

²⁰ Wohuk kalah kaadu, lab-xaylok konoy luk yen. Osonuuy Casuuba kee Ooheliiy Barkiyya kee Casadya kee Yusab-Cesed deqsitak yenen.

²¹ Cananyak rade mari ah keeni: Falatya kee Yasaqya kee, Rafaayâ-xaylooy Arnan-xaylooy Qobadyâ-xaylo kee Sekanyâ-xaylo.

²² Sekanya Samaqya xale. Samaqya xalem, Cattus kee Yigalaay, Bariyac kee Naqarya kee Saafat deqsitta lab-xaylo. Sittat lecey yakken.

²³ Naqarya lab-xaylok sidoc xaleeh; Elyoqeenay kee Cidkiya kee Qadrikam deqsitak yenen.

²⁴ Elyoqeenay lab-xaylok malciin xaleeh; Hodawya kee Elyaasibaay, Falaaya kee Qakkubuuy, Yocanan kee Dalaaya kee Qanaani deqsitak yenen.