1 Aydaad 1 - NABUWWA KEE MALIKWA

ADAMAK RADE MARA

¹ Adam Seet xaleeh; Seet Enos xaleeh; Enos Keenan xaleeh;

² Keenan Mahalalel xaleeh; Mahalalel Yaared xaleeh;

³ Yaared Canok xaleeh; Canok Matuslac xaleeh; Matuslac Laamek xaleeh;

⁴ Laamek Nuuc xale. Nuuc xalem: Sem kee Caam kee Yaafeti.

YAAFETIK RADE MARA

⁵ Yaafet xaylok xalem: Goomaraay, Magooguuy, Madayaay, Yaawanaay, Tuubalaay, Mesek kee Tiiras deqsitta labhak ten.

⁶ Goomar xaylok xalem: Askanadaay Diifat kee Torgama deqsitak ten.

⁷ Yaawan xaylo Aliisaay, Tarsisiiy Kittim kee Rodaanim deqsitak ten.

CAAMAK RADE MARA

⁸ Caam xaylo, Kuus kee Masriiy, Liibiya kee Kanqaan deqsitak ten.

⁹ Kuusuk rade mari, Sabaay Cawiilaay Sabtaay Raqma kee Sabtakak ten. Raqmâ-xaylo Seeba kee Dadan deqsitak ten.

¹⁰ Kuus Nimrud deqsita kaxxa numuy baaxô bagul qeebil mayso geytol naharsi numuh sugehiyya xale.

¹¹ Masrik rade mari, Luudaay Qanamaay Lahabaay Naftucuuy

¹² Fatrus kee Filistiin mari akak rade Kasluc kee Kaftor deqsitak yen.

¹³ Kanqaanak naharsi baxi Sayda deqsitak yeneeh; ciggiila baxi kaadu Ciit deqsitak yen.

¹⁴ Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

¹⁵ Ciiwi deqsita maraay, Qarka deqsita mara kee Sina deqsita maraay,

¹⁶ Arwaada deqsita maraay, Xamaara kee Camata deqsita marak ten.

SEEMIK RADE MARA

¹⁷ Sem xaylo, Qeelamaay Assuur kee Arfaksadaay, Lud kee Aramaay Quuxuuy, Cuuluuy Geter kee Mesek deqsitak ten.

¹⁸ Arfaksad Saalec xale. Saalec Qeebar xale.

¹⁹ Qeebar namma baxa xale. Baxak teeni kay saaku baaxô bagul tan maritteeta baxambaxsinteh teneemih sabbatah, migaaqah kaak Feelag iyyen. (Feelag iyyaanama baxsiyya iyyaanama.) Akittiiy Yoktaan deqsitak yen.

²⁰ Yoktaan xaylo, Almodadaay Selef kee Caxarmaawit kee Yeracaay

²¹ Hadooram kee Udaal, Diklaay

²² Qeebalaay, Abimaayil kee Seebaay

²³ Oofiriiy Cawiila kee Yobaaba. Ta mari inkih akak radem Yoktaan deqsita numu.

²⁴ Sem Arfaksad xale. Arfaksad Saalec xale.

²⁵ Saalec Qeebar xale. Qeebar Feelag xale. Feelag Raaqu xale.

²⁶ Raaqu Sarug xale. Sarug Nacor xale. Nacor Terac xale.

²⁷ Terac Abram xale. Sarra Abram migaaqah Abraahim deqsite.

ABRAAHIMIK RADE MARA

²⁸ Abraahim lab-xaylo, Iscaak kee Ismaaqili.

²⁹ Ismaaqil xale lab-xaylo ah keeniiy: Nebaayotuy Ismaaqilik naharsi-baxah yene kee, Keedaraay Adbeeliiy Mibsamaay

³⁰ Mismaqaay Duumaay Massaay Hadadaay Teemaay

³¹ Yatuuruuy Nafis kee Kedma.

³² Abraahim caggô-gubih caggoh nikaacat abbaxuk yen barray Katuura deqsitak ten. Is Dimraanaay, Yoksaanaay, Medaanaay Miidiyanaay Yisbak kee Suwac kaah xalte. Yoksan, Seeba kee Dadan xale.

³³ Miidiyan xaylo, Qeefaay Qeeferiiy Canokuuy Abiidaq kee Aldaqa. Taham inkih Katuurak rade mara.

QIISOK RADE MARA

³⁴ Abraahim Iscaak xale. Iscaak lab-xaylo, Qiiso kee Israayili.

³⁵ Qiisok lab-xaylo, Elifadaay Reqweliiy Yaqusuuy Yaqlam kee Koraca.

³⁶ Elifad lab-xaylo migaaqah Teman kee Omar kee Xafi kee Gaqtam kee Kanad kee Timnaq kee Qamaalek deqsitak yenen.

³⁷ Reqwel lab-xaylo, Nacat kee Dara kee Samma kee Midda deqsitak yenen.

SEEQIRIK RADE MARA

^38-42 Seeqir lab-xaylo ah keeni: Lootan kee Sobalaay, Xibqon kee Qanaay Dison kee Qader kee Disan. Lootan lab-xaylo, Coori kee Hoomam deqsitak yenen. Lootan kaadu Timnaq deqsitta maqanxá luk yen. Sobal lab-xaylo, Qalyan kee Manacataay Qeebal kee Safi kee Onam deqsitak yenen. Xibqon lab-xaylo, Ayya kee Qana deqsitak ten. Qanâ-baxi Dison deqsitak yen. Dison lab-xaylo, Cemran kee Esban kee Itran kee Keran deqsitak ten. Qader lab-xaylo, Bilhan kee Daqwan kee Yaqkan deqsitak ten. Disan lab-xaylo, Quux kee Araan deqsitak ten.

EDOM ABBOBTI

⁴³ Israayil baaxol malik reedaamak dumal, Edom baaxol dardarte abbobti ah keeni. Baqór-Belaq deqsita num elle dardaare magaala Dinhaba deqsitak ten.

⁴⁴ Belaq rabe saaku, Bosra deqsitta magaalal yooboke Derac deqsita numih baxay migaaqah Yobab deqsitahiyya kay lakal dardaare.

⁴⁵ Yobab rabe saaku, Teman deqsitta kedoh baaxol yooboke Cusam kay lakal dardaare.

⁴⁶ Cusam rabe saaku, Miidiyan marak Mooyab deqsitta baaxol qeebil yeyse Bedád-Hadad deqsita num kay aracal dardaare. Usuk elle dardaarem, Qawit deqsitta magaalak ten.

⁴⁷ Hadad rabe saaku, Masreeka deqsita aracal yooboke Samla kay lakal dardaare.

⁴⁸ Samla rabe saaku, Furaat weeqayti xaqut ten Racoobot deqsitta magaalal yooboke Saawul kay lakal dardaare.

⁴⁹ Saawul rabe saaku, Qakbór-Baqalcanan deqsita num kay lakal dardaare.

⁵⁰ Baqalcanan rabe saaku, Hadad kay lakal dardaare. Hadad elle dardaarem, Faqi deqsitta magaalak ten. Kay barra Mahetbel deqsitak teneeh, kay ballo Matred deqsitak ten. Matred-ina Meedahab deqsitak ten.

⁵¹ Hadad rabe. Edom deqsitta meela akak radde marih migaq Timnaq kee Qalwa kee Yatet kee

⁵² Ohlibaama kee, Eela kee Finoon kee,

⁵³ Kanad kee Teman kee, Mibxar kee

⁵⁴ Magdel kee Qiiram deqsitak yenen. Ta marak inkih kaxxa abbah raqtam, Edomuk ten.