Yos. 12 - Ebaibul

Ŋirwosi ŋulu abu Moses kilou

¹ Ŋirorwa a ŋirwosi a ŋakwapin a ŋuna apotu Ŋisirael kilout, kituruwosi ŋuna kec alowae a ŋolo alo Kide Yorodan ameun anayonae Arinon akitodol lomoru Erimon kaapei ka akadipaalat ŋina a Yorodan daadaŋ ŋina alo Kide ikes lu:

² Arae epei Sikon erwosit a Ŋiamori ŋolo epukat Ecibon, emoriyarit akwap keŋ atutubet apei a akwap a Gilead. Epukat daŋ iŋes neni enyaritae Aroer neni ayai lokipetot ka akadipaalat Arinon ka etaun ŋolo eyai kidiŋ akadipaalat ŋin, akitodol naŋolol Yabok, lokukoru ka akwap Amon.

³ Adolit neni epukat iŋes nakadipaalat a Yorodan, alowae a ŋolo alo Kwap anam Galileya, akitodol Besyesimos, Kide anam ŋina Atwan, kiriwor jik tari nakeju a emoru Pisiga.

⁴ Apotu nabo kilout Og erwosit a Bacan, ŋolo arae epei alorwosi a ŋulu edoŋito alotuŋa ŋulu anyaritae Ŋirepaim. Epukat iŋes Acitorot ka Edirei.

⁵ Epukat iŋes ŋinapei alomoru Erimon ka Salek, Bacan daadaŋ tari lokukoru a ŋituŋa a ŋulu enyaritae Ŋigesuri ka Ŋimaakasi kaapei ka atutubet apei ŋina a Gilead, akitodol lokukoru a Sikon a erwosit a Ecibon.

⁶ Moses eketiyan a Ekapolon ka Ŋisirael ikes apotu kilout ŋirwosi ŋuluarei ŋul. Abu Moses inak akwap ŋin ekabila a Ruben ka Gad ta atutubet apei alokabila a Manase, toruwor ŋina kec.

Ŋirwosi ŋulu abu Yosua kilou

⁷ Abu Yosua ka Ŋisirael kilout ŋirwosi daadaŋ ŋulu alomito akwap ŋina eyai To aŋolol Yorodan. Apotu ikes kilout erwosit a Baaligad a etaun a ŋolo ayai nakadipaalat a Lebanon a lowae ŋolo alo Kuju, tomyaasi lowae ŋolo ke emoru Alak a ŋolo eyai diyete akwap ke Edom. (Abu Yosua tokorak akwap ŋin ŋikabilae a Isirael toruwor ŋina kec, isibakit a ŋikabilae.

⁸ Aponi tokorae akwap ŋina a ŋikamukumukui, ŋina ka adipo, ŋina a ŋakadipaalae, ŋina a ŋadipoe a ŋikamukumukui, ŋina analoŋisat ka ŋina alowae a ŋolo alo Kwap. Arae ŋakwapin ŋun eboiyoto sek Ŋiitaiti, Ŋiamori, Ŋikanaani, Ŋiperisi, Ŋiipi ka Ŋiyebusi.) Ŋirwosi ŋulu aponi kilounae ikes lu:

⁹ Erwosit ŋolo a Yeriko, erwosit ŋolo ka Ai aneni eyai diyete Besel,

¹⁰ erwosit ŋolo a Yerusalem, erwosit ŋolo a Eburon,

¹¹ erwosit ŋolo a Yarimus, erwosit ŋolo a Lakis,

¹² erwosit ŋolo a Egilon, erwosit ŋolo a Geser,

¹³ erwosit ŋolo a Debir, erwosit ŋolo a Geder,

¹⁴ erwosit ŋolo a Oroma, erwosit ŋolo ka Arad,

¹⁵ erwosit ŋolo a Libina, erwosit ŋolo ka Adulam,

¹⁶ erwosit ŋolo a Makeda, erwosit ŋolo a Besel,

¹⁷ erwosit ŋolo a Tapua, erwosit ŋolo a Eper,

¹⁸ erwosit ŋolo ka Apek, erwosit ŋolo a Lasaron,

¹⁹ erwosit ŋolo a Madon, erwosit ŋolo ka Asor,

²⁰ erwosit ŋolo a Cimiron-Meron, erwosit ŋolo ka Akisap,

²¹ erwosit ŋolo a Taanak, erwosit ŋolo a Megido,

²² erwosit ŋolo a Kadec, erwosit ŋolo a Yekoneam alo Karimel,

²³ erwosit ŋolo a Dor alo Napas-Dor, erwosit ŋolo a Goim alo Galileya,

²⁴ erwosit ŋolo a Tirisa. Arae ekimar a ŋirwosi a ŋul daadaŋ ŋatomoniuni ka epei.