Biblia Todo Logo
Bìoball air-loidhne

- Sanasan -

Yona 3 - Ebaibul


Kiwuap Yona ŋuna abala Ekapolon

1 Kirworik Ekapolon neni a Yona akirworikinet ŋina a ŋaarei tema,

2 “Tonyou, tolot Ninepe, lotaun ŋol ŋolo apolon nooi, kisera neni a ŋituŋa keŋ ŋakiro ŋuna akalimok ayoŋ iyoŋ.”

3 Tonyou Yona tolot Ninepe ikwapei alimokinitor Ekapolon iŋes. Arae Ninepe etaun ŋolo apol nooi, ŋolo ilosi ŋirwa ŋiuni akirimokin, alomar alowae ke epei tari ŋoloce.

4 Kisyaki Yona alosit keŋ, toloma lotaun, todau apaaran apei elosi. Kiserau tema, “Ŋirwa ŋatomoniomwon bon idoŋito kikamarae Ninepe!”

5 Tonupa ŋituŋa a Ninepe Akuj, ido totubut atemar emaikina kiredakis daadaŋ akiron ka tonapa ŋiguniyae, anyoun aneni a ŋulu itopolooritae ka ŋulu nyitopolooritae.

6 Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

7 Kiyakiya akirot lotuŋa a Ninepe ebe, “Anatubunet ke erwosit ka ŋulu ipukatotor iŋes, nyecamakinitae ituŋanan, etyaŋ, ŋaatuk kori ŋakinei iirete idio ibore; nyecamakinitae kimuja, todaka, kori tomata.

8 Itemokino ŋituŋa tonapa ŋiguniyae ka toenikis ŋityaŋ daŋ, ido kimukekis akilip Akuj. Itemokino ŋinituŋanan toki aronis keŋ ka aryenyeo keŋ.

9 Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

10 Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Ngakarimojong Interconfessional Bible © Bible Society of Uganda, 2008.

Bible Society of Uganda
Lean sinn:



Sanasan