Yob 26 - Ebaibul

Aboŋokinet a Yob: Emam ituŋanan epedori ayenun neni etya ailiil ŋina ka Akuj

¹ Toboŋok nai Yob erwori a Bilidad tema,

² “Okoe Bilidad, itami iyoŋ atemar iŋarak iyoŋ ituŋanan ŋini eyai locan ikwa ayoŋ a? Itami iyoŋ atemar iŋarak iyoŋ ituŋanan ŋini epalag ikwa ayoŋ a?

³ Itami iyoŋ atemar isirworiu iyoŋ ituŋanan ŋini emam aosou ikwa ayoŋ a? Itami iyoŋ atemar ikilimok iyoŋ ayoŋ ŋakiro ŋuna ajokak a?

⁴ Ŋae ikiinakinit iyoŋ akirworo ŋakiro ŋuna ikote ŋun? etau a ŋae irworo ŋakiro ŋun aneni kon?

⁵ Emaranete ŋitai a ŋikatwak anakibois a ŋikatwak, emaranete ŋisubuna ŋulu eya nakipi ka ŋulu eya nakwap.

⁶ Ite Akuj akibois a ŋikatwak erae ŋina emam ibore eyai, ite iŋes Abadon.

⁷ Epetakinit Akuj ewae ŋolo alo Kuju neni emam ibore eyai, iwuakinit Akuj akwap neni emam ibore igaŋitor.

⁸ Imoryanakini Akuj ŋakipi kituruwo ŋidouwon ŋulukiryonok cuc, ido nyielielete ŋakipi ŋidouwon.

⁹ Erapuwanari Akuj a ŋidouwon elap etya neni etya, erapuwanari iŋes elap a ŋidouwon.

¹⁰ Iwuakinit Akuj ariwo ŋinaluluŋ kidiama ŋakipi, iwuakinit iŋes ariwo ŋin erae ekukoru ŋolo etyakit akica ka akiryonut.

¹¹ Emaranete ŋipirin ŋulu igaŋito kidiama akwap emaranete ikes iretuni Akuj.

¹² Aŋuna ka apedor keŋ abu Akuj kilou agogoŋu ŋina ka anam, aŋuna ka aosou keŋ abu iŋes toar Raab,

¹³ Abu Akuj a ekuwuam kitojoku kidiama; abu iŋes a apedor keŋ toar emun ŋolo akeri akiŋop.

¹⁴ Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”