Yob 25 - Ebaibul

Erwor a Bilidad ŋolo a ŋiuni: Alipite nai epedorya ituŋanan aruwor ŋini iyookino alokiŋaren Akuj

¹ Kirworik nai Bilidad ŋolo abunit alo Su tema,

² “Erae Akuj ŋina eyakar apedor ka erae ŋina ikisiili iŋolikini, iwuakinit iŋes ekisil nakuj neni ipukator iŋes.

³ Eyai mono ituŋanan epedorit akimar ŋimalaikan ŋulu itiyanakinete iŋes a? Alisubuna ka Akuj nyedolokinit akica?

⁴ Alipite nai epedorya ituŋanan aruwor ŋini iyookino alokiŋaren Akuj? Alipite nai epedorya ituŋanan ŋini arae aberu auruuni aruwor ŋini emam asecit?

⁵ Ani nai pa kecai elap ejok anakonyen ka Akuj ka pa kecayete ejok ŋikacer aneni ka Akuj,

⁶ etya nai ai amuumu a ituŋanan a ŋini erae ekurut koŋin aneni ka Akuj? Erae ituŋanan ekurut koŋin.”