Yer. 45 - Ebaibul

Akirot ŋinakisirworiunet Baruk

¹ Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor ekadwaran Yeremia neni a Baruk a lokoku a Neria apaki ŋina egiria Baruk lokitaabo ŋakiro ŋuna alimonokini Yeremia iŋes.

² Tema Yeremia neni a Baruk, “Okoe Baruk, Alimu Ekapolon, Akuj a Ŋisirael neni kon ebe,

³ ‘Ibu iyoŋ tolimu atemar: Acakaŋ! Eyatak Ekapolon akiyaloloŋ naryebo kaŋ, apapanu ayoŋ anakigworo kaŋ, ido mam akieŋun!’ ”

⁴ Aŋun tolimok iŋes atemar, Alimu Ekapolon ebe, “Alosi ayoŋ aritakin kwap ibore daadaŋ ŋini abu odukok, orutono ibore ŋini abu odupak, nakwap daadaŋ.

⁵ Ani bo iyoŋ, iitanit iyoŋ ŋakiro ŋuna apolok aŋuna kon a elope a? Nyiitan ŋun, anerae alosi ayoŋ ayaun akisicanet neni a ŋituŋa a daadaŋ, nai iuni iyoŋ akiyar kon aneni daadaŋ ilosi iyoŋ.”