Ŋilep. 2 - Ebaibul

Ŋainakineta ŋuna a ŋikinyom

¹ Ani keyau ituŋanan idio ainakinet ŋina erae ŋikinyom neni ke Ekapolon, emaikina iŋes kirye yau erae ŋakirya. Emaikina iŋes kiwuak nakirya ŋun akimyet ka ekinyate,

² ido nai yau inak ŋidwe ka Aron ŋulusapa ŋul ŋulu erae ŋisacaradotin. Emaikina esacaradoti tomuk ŋakirya ŋun ileleba akan imoriunit ka akimyet ta ekinyate daadaŋ, ido kicuny alokidiama namuroet ikwapei ainakinet ŋina epeyo ŋina etamunitae ŋina ebob eure keŋ aneni ke Ekapolon.

³ Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

⁴ Ani keyau ituŋanan ainakinet keŋ erae ŋamugati ŋuna epeitoe, emaikina elemunitae anakirya a ŋuna ajokak nooi: Torae ŋamugati ŋuna emam ŋakinyalet ŋuna erae akimyet emunatere, kori torae ŋabisikotyo ŋuna emam ŋakinyalet, ŋuna iwosakinitae akimyet.

⁵ Ani kerae ainakinet a ituŋanan akimuj ŋina ipotoi a ikalaat a ŋinibeleny, emaikina erae ŋina elemunitae anakirya a ŋuna ajokak nooi, a ŋuna erae akimyet emunatere, tomam ŋakinyalet.

⁶ Emaikina ŋamugati ŋun tonyilinyili, ido tobukokinae akimyet kidiama kec, erae iŋes ainakinet ŋina a ŋikinyom.

⁷ Ani kerae ainakinet a ituŋanan akimuj ŋina ipotoi ka asipirya, emaikina erae ŋina elemunitae anakirya a ŋuna ajokak nooi, a ŋuna erae akimyet emunatere.

⁸ Emaikina yaunae neni ke Ekapolon ŋamuja ŋuna ipotoi alopitesyo a ŋul; inakis neni ke esacaradoti, a ŋolo erae iŋes emaikina ya namuroet.

⁹ Elemuni nai esacaradoti adio anamuja a ŋun, ido ya kicuny alokidiama amuroet ikwapei ainakinet ŋina epeyo, ŋina emaikina ebob eure keŋ aneni ke Ekapolon.

¹⁰ Tosodi nai akimuj ŋinace ŋina idoŋit, emaikina kidoŋ erae ŋina ka Aron ka ŋidwe keŋ ŋulusapa. Erae ainakinet ŋina a ŋikinyom ŋin ŋina asegan nooi ŋina epeyo aŋuna ke Ekapolon.

¹¹ Mam ainakinet ŋina a ŋikinyom anainakineta a ŋuna iyaunete iyes neni ke Ekapolon ŋina emaikina iwuakinitae ŋakinyalet, anerae nyemaikina iyes kicunya ŋakinyalet ŋadi, kori ao ikwapei ainakinet neni ke Ekapolon ŋina epeyo.

¹² Ipedorete iyes ayaun ŋakinyalet, kori ao neni ke Ekapolon erae ŋamuja ŋuna ajokak nooi, nai nyemaikina iyes yaasi ikes namuroet erae ŋuna ibasi kicunyae ebob eure aneni ke Ekapolon.

¹³ Nyikimuryak akiwuakin acumbi namuja kus ŋuna iyaunete iyes ikwapei ŋainakineta. Kiwuakisi acumbi namuja kus ŋuna iyaunete iyes, anerae itoodiunit acumbi acamuna kus ka Akuj kus.

¹⁴ Ani keyau ituŋanan ainakinet keŋ ŋina a ŋaraito a ŋuna esyaunak neni ke Ekapolon, emaikina ikes iryetae ka epeitoe.

¹⁵ Emaikina kiwuak akimyet ka ekinyate naraito ŋun; erae ŋul ŋikinyom ŋulu erae ainakinet neni ke Ekapolon.

¹⁶ Emaikina esacaradoti tolemu ŋadi a ŋaraito a ŋun ka akimyet kaapei ke ekinyate daadaŋ, ido kicuny ikwapei ainakinet ŋina ke etal neni ke Ekapolon ŋina epeyo.