Ŋikiru. 82 - Ebaibul

Adyekitoi aŋuna ka aryamun akiyookino (Ekiruk ka Asap)

¹ Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

² Ebala Akuj ebe, “Tari ori itubonokinete iyes ŋituŋa emam akiyookino ka itubete ŋakiro itojokito ŋulu aronok?

³ Kitiyata ŋuna iyookino neni a ŋulu a ŋican ka neni a ŋikokyok, torubakisi itiyaete ŋuna iyookino neni a ŋulu a ŋican ka ŋulu eyakatar akiitanit.

⁴ Toiutu ŋulu a ŋican ka ŋulu eyakatar akiitanit, toiutu ikes anapedor a ŋulu aronok.”

⁵ Emamukatar ŋituŋa ŋulu aronok aosou, kori ayenut, irimito ikes anakiryonut; eryairyai akwap daadaŋ aŋuna kec.

⁶ Abala ayoŋ, “Irae iyes ŋakujo, irae iyes daadaŋ ŋidwe ka Akuj a ŋina alokidiama nooi.

⁷ Nai itwakete iyes lopite ŋolo etwakyata ŋituŋa; edaun akiyar kus lopite ŋolo edaunor akiyar a ŋolokepukan.”

⁸ Tonyou, okoe Akuj, totubok akwap, anerae erae ŋituŋa daadaŋ ŋulu kon.