Ŋikiru. 8 - Ebaibul

Ailiil ŋina ka Akuj ka apolou ŋina a ituŋanan (Ekiruk a Daudi neni a ŋolo apolokinit aeore)

¹ Okoe Akuj, Ekapolon kosi, okoe eiliili nooi ekiro kon anakwap a daadaŋ! Edolit akipuro iyoŋ tari kidiama nakuj.

² Itaanyu iyoŋ ŋidwe ŋulu cicik ka ŋulu enakete akipuro iyoŋ, iwuak iyoŋ ariwo kidiŋ iyoŋ ka ŋimoe kon, akisililiŋia ŋimoe kon ka ŋikenyaŋak.

³ Ani ŋina eŋolikinia ayoŋ kidiama, etic ŋolo a ŋakan kon, elap ka ŋikacer ŋulu idau iyoŋ akiwuakin nen;

⁴ ataŋae mono ŋituŋa itamunit iyoŋ ŋakiro kec? Nyo imisitor iyoŋ ŋakiro a ŋituŋa? Nyo imisitor iyoŋ ŋituŋa ŋulu erae ŋikoŋinae ŋulu etwakete?

⁵ Ibu iyoŋ kitiditeu ikes iwadio akilo iyoŋ, ibu iinak ikes apolou ka akerit.

⁶ Iinak iyoŋ ikes apolokin ŋiboro daadaŋ ŋulu ibu iyoŋ kitiyau a ŋakan kon; idau iyoŋ ainakin ikes akipuka ŋiboro daadaŋ,

⁷ ŋamesekin daadaŋ ka ŋaatuk ka ŋityaŋ ŋulu ka ariet,

⁸ ŋikieny ŋulu eporete alokidiama ka ŋikolya ŋulu ka a nam ta ŋisubuna daadaŋ ŋulu eya nanam.

⁹ Okoe Akuj, Ekapolon kosi, okoe eiliili nooi ekiro kon anakwap a daadaŋ!