Ŋikiru. 70 - Ebaibul

Akilip aŋuna ka alakuno alomoe

(Ekiruk a Daudi neni a ŋolo apolokinit aeore. Arae Ekiruk lo ŋolo a ŋainakineta a ŋuna etamunitere ŋakiro.)

¹ Tolakar okoe Ekapolon, itolaku ayoŋ. Okoe Ekapolon, kiwonyu atipei ikiŋarak ayoŋ.

² Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler. Kimyek daadaŋ ŋulu elakara aŋuna a ŋican kaŋ kiritae ekadakinit.

³ Kimyek ŋulu akakyenatar ayoŋ kiruma ŋileec; aŋuna elounere ikes jik.

⁴ Nai kimyek daadaŋ ŋulu ikiwarito iyoŋ tolelyana ka tolakaros aneni kon, kimyek ŋulu elakara aŋuna ka aiuno kec tobaakasi jwi jwi, “Epol Akuj nooi!”

⁵ Ani eruwor ayoŋ, arae ekulyakit ka ekaŋican, okoe Akuj, kiwonyu atipei neni kaŋ! Irae iyoŋ akeŋarakinan kaŋ ka akalakunan kaŋ; okoe Akuj, Nyidid abunore akiŋarakin ayoŋ!