Ŋikiru. 6 - Ebaibul

Akilip aŋuna ka aŋaleun anadyak a ŋina aronon nooi (Ekiruk a Daudi neni a ŋolo apolokinit ŋulu aramete ŋiboro ŋulu eore ŋulu aya ŋiunoi)

¹ Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon.

² Okoe Ekapolon, kisyonitetei ayoŋ, anerae apalagag ayoŋ; okoe Ekapolon, kitaŋaleunoe ayoŋ, anerae emaranete ŋakoyo kaŋ, akaryebete nooi.

³ Aryebakin etau kaŋ daŋ nooi. Tari ori okoe Ekapolon, tari ori edarit ayoŋ akitaŋaleuno?

⁴ Okoe Ekapolon kiŋolikinae ayoŋ, ido itoiu ayoŋ; toiunae ayoŋ anamina kon a ŋina nyiryaŋiryaŋa, toiunae ayoŋ,

⁵ anerae emam ituŋanan ikitamuni iyoŋ kedau atwanare. Ŋae epedori akipuro iyoŋ anakibois a ŋikatwak?

⁶ Alemun ayoŋ anakigworo kaŋ; akuwar kia itapapalete ekitaada kaŋ ŋakiyo ŋuna egworor ayoŋ; ibwaliyananarete ŋakiyo ibore ŋini ecoloŋit ayoŋ aperi.

⁷ Nyeriŋa ŋakonyen kaŋ iteete ejok aŋuna ka akigworo kaŋ; amuumu ŋakonyen kaŋ aŋuna a ŋimoe kaŋ a daadaŋ.

⁸ Toloto aneni kaŋ, iyes daadaŋ ŋulu itiyaete aronis, anerae eira Ekapolon akigworo kaŋ.

⁹ Adau Ekapolon akiirar adyekitoi kaŋ aŋuna ka akisyon ayoŋ; adau Ekapolon aboŋokin akilip kaŋ.

¹⁰ Irumete ŋileec ŋimoe kaŋ daadaŋ ka eari ekabule; eboŋorete ikes ka alotooma apaki ŋina euruwuana, isurumyo ikes ŋileec.