Ŋikiru. 54 - Ebaibul

Akilip aŋuna ka akiuryaro alomoe (Ekiruk a Daudi neni a ŋolo apolokinit ŋaeosyo ŋuna eoi eramyo ŋiboro ŋulu a ŋiunoi. Eruko Daudi iŋes apaki ŋina alosyoto Ŋisipai neni a Saul alimokin iŋes atemar eŋopit Daudi anakwap kosi.)

¹ Okoe Akuj, kiŋarakinae ayoŋ a apedor kon. toiunae ayoŋ a apedor kon.

² Okoe Akuj, kiira akilip kaŋ; topupok ŋakiro ŋuna erworo ayoŋ;

³ anerae eketijiete ayoŋ ŋigelaanotin; iwarito ŋiryenyaanotin alemar akiyar kaŋ, ŋituŋa ŋulu nyikimisito iyoŋ Akuj.

⁴ Kire jik, Akuj iŋes erae akeŋarakinan kaŋ; Ekapolon iŋes eketurubakinit ayoŋ ayari.

⁵ Elipi ayoŋ kinyaŋa iŋes ŋakiro a ŋimoe kaŋ aŋuna ka aronis kec. Anakiyookino keŋ emunyari Akuj ikes.

⁶ Alotooma acamit kaŋ nooi, ayauni ayoŋ amuronot neni kon; alakar ayoŋ neni kon. Okoe Ekapolon, anerae ijok iyoŋ.

⁷ Ikiu iyoŋ ayoŋ alocan kaŋ a daadaŋ, eŋolik ayoŋ atemar eloun ŋimoe kaŋ.