Ŋikiru. 53 - Ebaibul

Aronis a ŋituŋa

(Ekiruk a Daudi neni a ŋolo apolokinit aeore)

¹ Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

² Iteunit Akuj alokidiama kwap neni a ŋituŋa, akiŋolikin erae keya ŋidi ŋulu aosok, ŋulu ilipete neni keŋ.

³ Adaut ikes daadaŋ akibatar, ekwaanikin ikes daadaŋ erae ŋulu aronok; emam ipei daŋ ŋini itiyae ŋuna ajokak, emam tari ipei.

⁴ Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni ka Akuj a?

⁵ Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

⁶ Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Akuj ikes ebari, elelyanete ŋituŋa a Yakob, elakarosi Ŋisirael.