Ŋikiru. 47 - Ebaibul

Ipukat Akuj ŋakwapin (Ekiruk a Ŋikoraitin neni a ŋolo apolokinit aeore)

¹ Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,

² anerae Ekapolon ŋolo alokidiama nooi iŋes emaikina kitopolooroe, Erae iŋes Erwosit ŋolo apolon nooi, ŋolo ipukat ŋakwapin daadaŋ.

³ Abu iŋes ikiinak iwon akiloun ŋituŋa, ido opolokisi ŋakwapin.

⁴ Abu iŋes toseu akwap ŋina eruwor ŋina yok, akwap ŋina ikijoikini iwon Ŋisirael ŋulu ikirae ŋituŋa keŋ.

⁵ Adakar Asaduku ŋina ka Acamunet kidiama emukura Kai ka Akuj, adakar Asaduku ŋin ecelasi ŋituŋa ka ekusete ŋabureryaŋae a ŋimeesekin.

⁶ Toeikisi ŋieosyo ŋulukipuret Akuj, toeikisi ŋieosyo ŋulu ka akipuro, toeikisi ŋieosyo ŋulukipuret Erwosit yok, toeikisi ŋieosyo ŋulu ka akipuro.

⁷ Akuj iŋes erae Erwosit ŋolo ka akwap daadaŋ; toeikisi ŋieosyo ŋulukipuret iŋes.

⁸ Akuj iŋes erae Erwosit ŋolo a ŋakwapin; iboi Akuj alokicoloŋ keŋ a ŋolo asegan a ŋolo ipukator.

⁹ Ecunakinosi ŋikepukak a ŋakwapin iwapei, kaapei ka ŋituŋa ŋulu ka Akuj a ŋina ka Aburaam, anerae Akuj ipukat ŋirwosi ŋulu ka akwap; itopolooritae Akuj nooi.