Ŋikiru. 42 - Ebaibul

EKITAABO 2 (Ŋikirukisyo 42—72 ) Akiitanit Akuj ka akiŋarakinet keŋ alocan (Ekiruk a Ŋikoraitin neni a ŋolo apolokinit aeore)

¹ Ikwaŋinapei iitanitor atili ŋakipi anayonae, ayoŋ daŋ, ekeitanit iyoŋ, okoe Akuj.

² Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

³ Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

⁴ Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

⁵ Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

⁶ Elelebun akiyaloloŋ lotau kaŋ; aŋun, akatamuni ayoŋ iyoŋ Akuj anakwap a Yorodan ka anakwap a Erimon, ta alomoru Misar.

⁷ Ikitoropik iyoŋ ayoŋ ŋican lopite ŋolo eropiyoto ŋakipi nacuuro; Ekeloŋiyasi ayoŋ ŋican lopite ŋolo erapuwarya akalele akwap; akarapuwasi ayoŋ ŋican lopite ŋolo erapuwarya arimama ibore.

⁸ Eketoodyanakini ayoŋ Ekapolon amina keŋ naparan, ani nakwaare, oeik ayoŋ eete neni keŋ elip neni ka Akuj a ŋina erae akiyar kaŋ.

⁹ Atemari ayoŋ neni ka Akuj a ŋina erae akaiunan kaŋ ebe, “Kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit ŋican anadedeŋu a ŋimoe kaŋ?”

¹⁰ Akaniposi ayoŋ ŋiyany a ŋimoe kaŋ, lopite ŋolo eyakar etoku ŋolo aaran nakuwan, ekeŋiseneneete ikes ayoŋ apaaran jwii ebe, “Ai bo eyai Akuj kon?”

¹¹ Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”