Ŋikiru. 4 - Ebaibul

Akilip ŋina ka akikinyomit Akuj aŋuna ka alakuno alomoe (Ekiruk a Daudi neni a ŋolo apolokinit ŋulu aramete ŋiboro ŋulu eore ŋulu aya ŋiunoi.)

¹ Okoe Akuj akaiunan kaŋ, toboŋokinoe ayoŋ akanyarae iyoŋ. Ibu iyoŋ ikiŋarak ayoŋ apaki ŋina ayakar locan, torimaanikinae ayoŋ tokona, kiira akilip kaŋ.

² Iyes ŋituŋa, tari ori ijamuwarito iyes apolou kaŋ? Tari ori irubakinito iyes iminasi ŋakiro ŋunakoŋinae ka iwarito akirworo alyokonu?

³ Toyenutu atemar adau Ekapolon asetar nawae ŋulu ikinyomito iŋes aŋuna ka aruwor ŋulu keŋ; iirari Ekapolon ŋakiro kaŋ apaki ŋina anyaraa ayoŋ iŋes.

⁴ Ani kiŋoa iyes, nyicamut aŋoit kus ikiteseci iyes; totamatamata ŋakiro ka aŋoit kus iperete, ido kililiŋiasi.

⁵ Inanakisi Ekapolon ŋamuronisya ŋuna iyookino, ido kikinyoma Ekapolon.

⁶ Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

⁷ Iwuak iyoŋ Ekapolon alelyanu lotau kaŋ akilo alelyanu a ŋimoe kaŋ, tari apaki ŋina alemitotor ikes ŋikinyom ŋulu alalak nooi ka apaki ŋina ayakatar epiini ŋolo alalan nooi.

⁸ Apedori tokona ayoŋ akiper ojotoor neni ajokan; anerae iyoŋ bon, okoe Ekapolon, ikiinakini ayoŋ akiper emam ŋace.