Ŋikiru. 26 - Ebaibul

Akilip aŋuna ka akiyookino ka alimor akiyookino (Ekiruk a Daudi)

¹ Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

² Okoe Ekapolon, kisyemei ayoŋ ka kikatakinae ayoŋ, kikatak etau ka ŋatameta kaŋ;

³ anerae ayeni ayoŋ atemar ikimina iyoŋ ayoŋ kire, ewuapit ayoŋ ŋakiro kon ŋuna a kire.

⁴ Nyikiboiyonokin ayoŋ ka ŋituŋa ŋulu amodiyanak, kori nyikirukit ka ŋulu a ŋisoswae;

⁵ aŋerit ayoŋ arukit ka ŋulu itiyaete aronis, ido nyacamit arukit ka ŋulu aronok.

⁶ Ekapolon, elotari ayoŋ ŋakan kaŋ etoodiunit atemar nyasecit;

⁷ ido olot erimok Namuroet kon elipi, oeo ekeunit eete ŋolo ka alakara; ka eserae ŋiticisyo kon ŋulu ka aumokin.

⁸ Okoe Ekapolon, amina ayoŋ Akai kon ŋina iboiyo iyoŋ ka akibois ŋina iyai iyoŋ icai nooi.

⁹ Nyikimunya ayoŋ ka ŋikasecak kaapei, nyilema akiyar kaŋ ka ŋina a ŋikaarak kaapei.

¹⁰ Erae ikes ŋulu eyeete akitiya ŋuna aronok, ido etenito ikes jwi jwi akijare ŋakaluŋuluŋui.

¹¹ Nai ani eruwor ayoŋ, etiyae ŋuna iyookino; tolakunae ayoŋ, kisyoni ayoŋ.

¹² Aiuna ayoŋ alocan a daadaŋ; epuri ayoŋ Ekapolon aneni ilipyata ŋituŋa.