Ŋikiru. 20 - Ebaibul

Akilip aŋuna ka akiloun (Ekiruk a Daudi neni a ŋolo apolokinit aeore.)

¹ Elipi atemar itoboŋok iyoŋ Ekapolon ŋakiro kon apaki ŋina iyakar locan; elipi ikiyok iyoŋ Akuj a Yakob.

² Elipi atemar bu iŋes alo Kai keŋ ikiŋarak iyoŋ, bu iŋes alo Sion ikiŋarak iyoŋ.

³ Elipi atemar tocamu iŋes ŋainakineta kon daadaŋ, elipi tocamu iŋes ŋainakineta kon ŋuna epeyo.

⁴ Elipi atemar ikiinak iŋes iyoŋ ŋuna ecamit etau kon, kisiyook ŋuna daadaŋ iye iyoŋ akitiya.

⁵ Ikiceluni nai isua aŋuna ilounia iyoŋ ŋimoe kon, ikikyaari isua ŋabenderae kosi ikipuro Akuj kosi. elipi atemar ikiinak iyoŋ Ekapolon ŋuna iŋita iyoŋ daadaŋ.

⁶ Ayeni tokona ayoŋ atemar eiuni Ekapolon eseuna keŋ. Eboŋokini ŋakiro keŋ anakuj anakibois keŋ a ŋina asegan a apedor keŋ a ŋina aiunan.

⁷ Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

⁸ Ekakariyarosi ikes kibusokin aŋuna elounere, nai ikinyouni isua owua etiirata aŋuna ikilounia.

⁹ Okoe Ekapolon, inak erwosit akiloun, toboŋokinoe isua ikinyarao iyoŋ.