Ŋikiru. 2 - Ebaibul

Akiikinet ŋina ka Akuj neni a eseuna keŋ

¹ Kaanukiro etukotor ŋituŋa a ŋakwapin? Kaanukiro etukyoto ŋituŋa akitiya ŋakiro ŋunakoŋinae?

² Acunakinosi ŋirwosi ŋulu ka akwap acunakinosi ŋikepukak iwapei akitepeg Ekapolon ka erwosit ŋolo aseu iŋes, ebasi,

³ “Oŋero ikes anapolokinit iwon, oŋero ikes tojoŋoto akipukat iwon.”

⁴ Ejamuwarit Ekapolon ŋolo eyai kidiama ikes, isicoŋakini Ekapolon ikes anakiro a ŋuna etukete ikes a ŋunacaryo.

⁵ Iŋenyakini nai Ekapolon ikes anaŋoit, ido itubuli ikes ananyunyura keŋ tema,

⁶ “Ewuak ayoŋ erwosit kaŋ Sion, lomukura kaŋ ŋolo asegan.”

⁷ Abu erwosit tolimu atemar iserae iŋes ŋakiro ŋuna elimunit Ekapolon. Abu Ekapolon tema neni kaŋ, “Irae iyoŋ lokoku kaŋ. Adau ayoŋ aruwor papa kon nakoloŋit na.

⁸ Kiŋitae ayoŋ, akainakini ayoŋ iyoŋ ŋakwapin toruwor ŋuna kon, eruwor akwap daadaŋ ŋina kon.

⁹ Idicari iyoŋ ikes, kinyas ikes ikwa ŋamoti ŋuna ebwaŋabwaŋaryo.”

¹⁰ Aŋun nai tokona, iyes ŋirwosi toosokyoto; iyes ŋikepukak ŋulu ka akwap, tocoikisi ŋakiro ŋun.

¹¹ Kitiyanakisi Ekapolon itopoloorito, kitiditeunos make alokiŋaren keŋ.

¹² Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.