Ŋikiru. 149 - Ebaibul

Ekipur neni Akuj aŋuna ka ajokis keŋ neni a Isirael

¹ Kipuroe Ekapolon! Toekisi eete ŋolokitete neni ke Ekapolon. kipuro iŋes aneni ilipyata ŋituŋa ŋulu ikinyomito iŋes.

² Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

³ Emaikina ikes kipuro ekiro ke Ekapolon idoŋaete, toekisi neni ke Ekapolon iramete ŋiburin ka ŋagitae;

⁴ anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

⁵ Emaikina ŋituŋa ŋulu ka Akuj tolelyana aŋuna elouniata; emaikina ikes toeoto analelyanu alokitaadae kec.

⁶ Elipi kipuro ikes Akuj ecelasi, etiŋito ŋileŋia ŋulu ekwaka ŋiwaetin daadaŋ,

⁷ kilouniata ŋakwapin ka kisicaniata ŋituŋa a ŋakwapin,

⁸ toeneta ŋirwosi a ŋakwapin a ŋiriko, toeneta ŋikepukak a ŋakwapin a ŋasuwa

⁹ ka kisicaniata ŋakwapin lopite ŋolo elimunitor Akuj. Erae ŋin akiloun ŋina a ŋituŋa a ŋulu ka Akuj. Kipuroe Ekapolon!