Ŋikiru. 144 - Ebaibul

Akilip aŋuna ka alakuno a akwap ka aiuna (Ekiruk a Daudi)

¹ kipuroe Ekapolon ŋolo erae ataaba kaŋ ŋina aiunor ayoŋ, ŋolo abu eketatam ayoŋ epite ŋolo ejiere.

² Erae iŋes Akuj ŋina akamina ayoŋ, aduketait kaŋ ŋina ajio alotooma, akalakunan kaŋ, neni ayakaun ayoŋ pa eryaŋiryaŋa, aupal kaŋ neni aiunor ayoŋ. Abu iŋes okoinak ayoŋ apedor oreu ŋakwapin epuka.

³ Okoe Ekapolon, ataŋae mono ŋituŋa, itamunit iyoŋ ŋakiro kec? Nyo imisitor iyoŋ ŋakiro a ŋituŋa?

⁴ Ikwaan ŋituŋa ka ekieŋanu; ikwaan ŋirwa kec ka aribo ŋina eŋopiyari atipei.

⁵ Okoe Ekapolon, kimyek nakuj, bua kwap; totap ŋimoru ikotere epuruunete.

⁶ Kiyaku akimilya, ikotere kiela ŋimoe kon, kirita ikes a akimilya.

⁷ Bua alokidiama neni kaŋ; tolakunae ayoŋ, toiunae ayoŋ anakipi a ŋuna ileleba neni ecukul, tolakunae ayoŋ anapedor a ŋituŋa a ŋulugelaanotin,

⁸ a ŋulu ileleba alyokonu nakitukwa kec, a ŋulu ikoŋete alyokonu.

⁹ Okoe Akuj, aeikini ayoŋ eete ŋolokitete neni kon; okoe Ekapolon, aeikini ayoŋ neni kon arami aduŋgu.

¹⁰ Iyoŋ iinanakini ŋirwosi akiloun ŋimoe kec, iyoŋ ibu toiu Daudi eketiyan kon.

¹¹ Toiunae ayoŋ anaryenyeo a ŋimoe kaŋ, tolakunae ayoŋ anapedor a ŋituŋa a ŋulugelaanotin, a ŋulu irworosi alyokonu, a ŋulu ikoŋete alyokonu.

¹² Agasi kikwaanikin ŋidwe kosi ŋulusapa alorwa a ŋulu ka asoroko kec ka ŋikito ŋulu enakunito, kikwaanikin ŋidwe kosi ŋulupesur ibusak ka ŋipirin ŋulu icietae akisibusya akai ka apukan.

¹³ Agasi kilelebun ŋatukito kosi, pena ŋinyomen a ŋikinyom a daadaŋ. Agasi topitut ŋamesekin kosi, kiatakin nadakarisinei kosi a ŋalipyo a ŋatomotomoe,

¹⁴ agasi touryata ŋaatuk kosi nooi. Agasi nyikiremo isua ŋimoe ka nyikirikor nakwapin ka nyeyakaun ecelet ŋolo ka akiyaloloŋ lorotin ŋulu a ŋirerya kosi.

¹⁵ Elakara ŋituŋa ŋulu eryamunete ŋarereŋisyo ŋun; elakara ŋituŋa ŋulu erae Akuj Ekapolon kec.