Ŋikiru. 14 - Ebaibul

Aronis a ŋituŋa

(Neni a ŋolo apolokinit ŋieosyo a Daudi)

¹ Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

² Iteunit Ekapolon alokidiama kwap neni a ŋituŋa, akiŋolikin erae keya ŋidi ŋulu eosok, ŋulu ilipete neni keŋ.

³ Adaut ikes daadaŋ akibatar, ekwaanikin ikes daadaŋ erae ŋulu aronok; emam ipei daŋ ŋini itiyae ŋuna ajokak, emam tari ipei.

⁴ Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

⁵ Ikes nai ŋul, abul ikes nooi, anerae erukito Akuj ka ŋulu iyookino.

⁶ Iyes ŋikasecak, isimyenakinete iyes ŋulu a ŋican ŋuna eyeunito akitiya, nai erae neni ke Ekapolon eryamuniata ikes aiuno.

⁷ Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Ekapolon ŋituŋa keŋ ebari, elelyanete ŋituŋa a Yakob; elakarosi Ŋisirael.