Ŋikiru. 137 - Ebaibul

Akigworo aŋuna ka akinyasuno a Yerusalem

¹ Aponi isua kiboikinetei diyete ŋaŋololin ŋuna a Babilon, ido aponi isua kigworoi etamunio Sion.

² Aponi isua kinenekinoe ŋaduŋgui kosi lokwaŋae,

³ anerae apotu ŋulu ikirikorito isua ikiŋita isua aeikin, apotu ŋikesicanak kosi kiitana aneni kosi ŋieosyo ŋulu italakarete ikes; ebasi, “Toeikisi aŋuna kosi eete a Sion epei!”

⁴ Ikikokini mono isua ikieikini eete ke Ekapolon toyakatei bo nakwap ŋinagela ai?

⁵ Okoe Yerusalem, ani kimuryakin iyoŋ aneni kaŋ, elipi nyepedo teten kaŋ akiram aduŋgu nabo.

⁶ Elipi kimiidikin a ŋajep kaŋ kidiama akituk kaŋ, erae pa kakatamunit ayoŋ iyoŋ, erae pa katamunit ayoŋ atemar Yerusalem iŋes aryamunitor ayoŋ alelyanu ŋina apolon nooi.

⁷ Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

⁸ Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

⁹ Elakar ŋituŋa ŋulu ikamarete ŋiŋwea kus kidesanakis natabab.