Ŋikiru. 136 - Ebaibul

Etic ŋolo ka Akuj alotooma ŋisubuna ka ŋakiro ŋuna koloŋ

¹ Okoe tolakaros neni ke Ekapolon, anerae ejok iŋes, erae amina keŋ ŋina nyiryaŋiryaŋa ŋina a ŋikaru ka ŋikaru.

² Okoe tolakaros neni ka Akuj a ŋakujo, anerae, erae amina keŋ ŋina nyiryaŋyiryaŋa ŋina a ŋikaru ka ŋikaru.

³ Tolakaros neni ke Ekapolon a ŋikapolok, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

⁴ Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

⁵ Iŋes abu anapiiryanut keŋ tosub nakuj, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

⁶ Iŋes abu topetak akwap kidiama ŋakipi, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

⁷ Iŋes abu tosub ŋiboorei ŋulu apolok ŋulu ecayete, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

⁸ Abu iŋes tosub akoloŋ kipuka apaaran, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

⁹ Abu iŋes tosub elap ka ŋitopon kipukata akuwar, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁰ Iŋes abu toar ŋikiyae a akwap a Ijipit, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹¹ Iŋes abu yau Ŋisirael aneni a Ŋijipitian, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹² Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹³ Iŋes abu totyak ŋakipi ŋuna ka anam a ŋina Areŋan, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁴ Abu iŋes kisitor Ŋisirael kidiŋ ŋakipi ŋun, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁵ Nai abu iŋes kimyek ŋakipi kitamata Parao, ka ŋikajiok keŋ ananam a ŋina Areŋan, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁶ Iŋes abu torik ŋituŋa keŋ kitoryo naloŋisat, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁷ Iŋes abu toar ŋirwosi ŋulu etirok, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁸ Abu iŋes toar ŋirwosi ŋulu eturuunitoe, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

¹⁹ Abu iŋes toar Sikon erwosit ŋolo a Ŋiamori, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²⁰ Abu iŋes toar Og erwosit ŋolo a Basan, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²¹ Abu iŋes inak ŋakwapin a ŋirwosi a ŋul toruwor ŋuna a ŋituŋa a ŋice, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²² Apotu ŋakwapin kec toruworos ŋuna a Ŋisirael a ŋiketiyak keŋ, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²³ Iŋes abu itotamu iwon apaki ŋina aponere itoreun, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²⁴ Iŋes abu itoiu iwon alomoe yok, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²⁵ Iŋes einanakini akimuj neni a ŋisubuna a daadaŋ, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

²⁶ Tolakaros neni ka Akuj a ŋina anakuj, anerae erae amina keŋ ŋina nyiryaŋiryaŋa ŋina a ŋikaru ka ŋikaru.