Ŋikiru. 132 - Ebaibul

Akiboi a Akuj alo Sion ŋikaru ka ŋikaru (Eete a ŋulu itipeete Yerusalem)

¹ Okoe Ekapolon, totamu Daudi, totamu ŋatyokisyo daadaŋ ŋuna abu iŋes kidaŋidaŋ.

² Totamu epite ŋolo abunio iŋes kikoŋio neni ke Ekapolon totamu epite ŋolo abunio iŋes kikoŋio neni ka Akuj a ŋina etiron a ŋina a Yakob tema,

³ “Nyalomari ayoŋ kai kaŋ kori nyalosi lokitaada kaŋ;

⁴ nyacamuni ayoŋ ajotoor, nyacamuni ayoŋ ŋakonyen kaŋ tomuduko,

⁵ akitodol ŋina aryamunia akibois a Ekapolon, akibois ŋina iboiyo Akuj ŋina etiron ŋina a Yakob.”

⁶ Aponi isua kiirarae alo Betelem ŋakiro ŋuna ka Asaduku a ŋina ka Acamunet, ido aponi isua toryamunae Asaduku ŋin; alomanikorin a ŋulu a Yearim.

⁷ Aponi isua temarae, “Apena Kai ke Ekapolon; elipa alokiŋaren neni ipukator iŋes.”

⁸ Bua Kai kon, okoe Ekapolon, bua nakibois kon iyoŋ kaapei ka Asaduku kon ŋina ka apedor,

⁹ Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

¹⁰ Aŋuna a eketiyan kon Daudi; nyiŋer erwosit kon ŋolo ibu iyoŋ toseu.

¹¹ Abu Ekapolon kikoŋ neni a Daudi, akikoŋet ŋina a kire ŋina nyelakari iŋes. abu iŋes tema, “Eturuwori ayoŋ epei a ŋidwe kon a ŋulusapa erwosit, ipukae iŋes ekaku kon.

¹² Ani kiwuap ŋidwe kon ŋulusapa acamunet kaŋ ka ŋakiro kaŋ ŋuna alosi ayoŋ akitatam ikes, ŋidwe kec daŋ ŋulusapa ipukaete erae ŋirwosi ŋikaru ka ŋikaru.”

¹³ Etiyae Ekapolon ŋun, anerae aseu iŋes Sion, acamu akituruwor Sion akibois ŋina iboiyo iŋes.

¹⁴ Atema, “Ne iŋes eboiyo ayoŋ ŋikaru ka ŋikaru; ne iŋes adau ayoŋ acamun akiboiyo.

¹⁵ Eterereŋi ayoŋ Sion a ŋiboro a daadaŋ a ŋulu ecamit; esimwoni ayoŋ ŋikulyak ŋulu eya Sion a akimuj.

¹⁶ Eterereŋi ayoŋ ŋisacaradotin keŋ alotooma daadaŋ ŋuna itiyaete, ido eikinete ŋituŋa keŋ, tocela alotooma alelyanu.

¹⁷ Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

¹⁸ Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”