Ŋikiru. 130 - Ebaibul

Akidarit alakuno ŋina ebuni aneni ka Akuj (Eete ŋolo itipeere Yerusalem)

¹ Okoe Ekapolon, alotooma ŋican kaŋ, egworo ayoŋ neni kon.

² Ekapolon, kiira etoil kaŋ topupok ejok akigworo kaŋ aŋuna ka akisyonio.

³ Okoe Ekapolon, ani kirubak iyoŋ imari ŋasecisya kosi, ŋae eryamunio pa esecit?

⁴ Nai ikisyoniyenene iyoŋ isua; ikotere ikitopoloori isua iyoŋ.

⁵ Edarit ayoŋ Ekapolon ekeŋarak ayoŋ, edarit ayoŋ Ekapolon a etau kaŋ a daadaŋ, anerae ekinyomit ayoŋ akirot keŋ.

⁶ Edarit ayoŋ Ekapolon eitanit nooi, akilo tari neni idaritotor ŋiketeok akibois nakwaare akitodol akiwalaret a akwap.

⁷ Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

⁸ Iŋes elope elakuni Ŋisirael alotooma ŋasecisya kec daadaŋ.