Ŋikiru. 13 - Ebaibul

Akilip ŋina ka alakuno alomoe (Ekiruk a Daudi neni a ŋolo apolokinit aeore)

¹ Okoe Ekapolon, tari wori pa ikitamunit iyoŋ ayoŋ? Emuryakin mono ayoŋ aneni kon ŋikaru ka ŋikaru a? Apaki ŋina etya ai iyai iyoŋ nyiŋarakina ayoŋ?

² Apaki ŋina etya ai arubakinia ayoŋ edaŋidaŋi aryeba alotau kaŋ, ido orubak eyaloloŋi alotau kaŋ apaaran jwii? Apaki ŋina etya ai erubakiniata ŋimoe kaŋ ekelounito ayoŋ?

³ Okoe Ekapolon Akuj kaŋ, totamatama ŋun, ido itoboŋok ayoŋ. Kinyakakinae ayoŋ agogoŋu kaŋ, nyikimyek ayoŋ atwani,

⁴ ido temasi ŋimoe kaŋ ebe, “ Ikilou isua iŋes.” Elakarosi ŋimoe kaŋ anerae akareut ikes ayoŋ.

⁵ Nai abu ayoŋ ekinyom amina kon ŋina nyiryaŋiryaŋa; eyakaun alelyanu lotau kaŋ aŋuna ikiunia iyoŋ ayoŋ.

⁶ Aeikini ayoŋ neni kon Ekapolon, anerae ibu iyoŋ kitiya ŋuna ajokak neni kaŋ.