Ŋikiru. 129 - Ebaibul

Akilip aŋuna ka akiloun ŋimoe a Isirael (Eete a ŋulu itipeete Yerusalem)

¹ Emaikina Isirael tema, “Eketijioto ikes ayoŋ ŋinapei anasoroko kaŋ,

² eketijioto ikes ayoŋ ŋinapei anasoroko kaŋ, nai nyilouna ikes ayoŋ.

³ Etelonokis ikes ŋajemei ŋuna ecukul kau kaŋ; esikokis akau kaŋ emanikor ŋolo keriŋa itao a ŋimoŋin.

⁴ Nai erae Ekapolon ŋolo iyookino akalacaki ayoŋ anapitoonut.”

⁵ Elipi ayoŋ kisurumae ŋileec ka kitoboŋoroe daadaŋ ŋulu eremokino Sion.

⁶ Emaikina ikes daadaŋ kikwaanikin ka ŋinya ŋulu erupete alokidiama ŋakais, ŋulu eiiniyanarete eriŋa nyepolouno;

⁷ ŋulu emam ituŋanan eŋerununui, kori eeniyanari kiwok erae ŋikies.

⁸ Emam ituŋanan idio ŋini itori diyete kec ido tema, “Ikiterereŋ iyes Ekapolon! Ikiterereŋio isua iyes alokiro ke Ekapolon.”