Ŋikiru. 128 - Ebaibul

Alakara ŋina eyai lore a ŋikanupak (Eete a ŋulu itipeete Yerusalem)

¹ Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

² Ipedori iyoŋ akinyam ŋaraito ŋuna a ŋiticisyo kon; ibuni iyoŋ alakar ka ejokyata ŋakiro daadaŋ aneni kon.

³ Alore kon, iryamuni iyoŋ ŋidwe ŋulu alalak aneni ka aberu kon; alomesa kon, elalaketa ŋidwe kon irikaunito emesa.

⁴ Erae epite ŋol iŋes iterereŋere ituŋanan ŋini itopoloorit Ekapolon.

⁵ Elipi ikiterereŋ Ekapolon iyoŋ alo Sion; ikotere toanyu ebari a Yerusalem ŋirwa daadaŋ ŋulu ka akiyar kon.

⁶ Elipi topedo iyoŋ aanyuwar ŋidwe a ŋidwe kon. Toyai ekisil Isirael!