Ŋikiru. 126 - Ebaibul

Akilem ŋina ka alelyanu (Eete ŋolo itipeiyonorere Yerusalem akilip)

¹ Ani apaki ŋina ikinyakunia isua Ekapolon Sion, aneni ikirikoritae, ikisibit isua ŋituŋa ŋulu ikirujae.

² Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

³ Kire adau Ekapolon akitiya ŋakiro ŋuna apolok nooi aŋuna kosi, ido ileleba alelyanu neni kosi.

⁴ Okoe Ekapolon, kinyakakinae isua ajokis ikwa ŋina inyakakinia akiru ŋakipi nayona ŋuna analoŋisat a ŋina alo Kwap Yudaya.

⁵ Ikes ŋulu eete ŋikinyom icidete ŋakiyo, epote akilem nyikinyom eeosi ŋieosyo ŋulu ka alelyanu.

⁶ Ikes ŋulu apotu toloto lomanikorin igworosi etiŋito ŋikinyom ŋulu eekinio, eboŋunete ekaku eeosi ŋieosyo ŋulu ka alelyanu, etiŋito akimuj ŋina adaut ikes alemun.