Ŋikiru. 125 - Ebaibul

Aiuna ŋina a ŋituŋa ka Akuj (Eete a ŋulu itipeete Yerusalem)

¹ Ikes ŋulu ikinyomito Ekapolon, ikwaan ka emoru Sion, ŋolo emam ibore iryaŋiryaŋanakini, nai itiirae jik ŋikaru ka ŋikaru.

² Lopite ŋolo irimokinitotor ŋimoru Yerusalem, irimokinit Ekapolon ŋituŋa keŋ kidiŋ tokona ka ŋikaru ka ŋikaru.

³ Nyerubakinete ŋulu aronok jwi jwi ipukato akwap a ŋulu iyookino; anerae epedorete ŋulu iyookino akitiya aronis.

⁴ Okoe Ekapolon, kitiya ŋuna ajokak neni a ŋulu ajokak, neni a ŋulu iyookino alotai kec.

⁵ Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.