Ŋikiru. 124 - Ebaibul

Alakar neni ka Akuj aŋuna ka alakuno a Ŋisirael (Eete a Daudi ŋolo ka akitipeiyor Yerusalem)

¹ Kerae nyeyai Ekapolon ka iwon? emaikina iyes Ŋisirael temasi,

² “Ani kerae nyeyai Ekapolon ka iwon apaki ŋina ikitijikinioto iwon ŋimoe yok,

³ apaki ŋina aŋoeta ikes nooi aŋuna yok, kikimunyarito iwon ŋimoe ŋul;

⁴ kikiwokorit akalele iwon nariet, kikirapuwarito ŋakipi iwon,

⁵ kikitamasito ŋakipi ŋuna epumasi ŋun iwon.”

⁶ Olakaros neni ke Ekapolon, a ŋolo abu nyikimyek iwon ikimunyarete ŋimoe yok.

⁷ Aiunoi iwon lopite ŋolo eiunor ikyeny analoc a ekalokan; adaun amunyar ŋimoe yok, ido aiunoi iwon.

⁸ Eyai akiŋarakino yok neni ke Ekapolon a ŋolo asubi nakuj ka akwap.