Ŋikiru. 122 - Ebaibul

Eete ŋolo a akipuro ka akilip aŋuna a Yerusalem (Eete a Daudi ŋolo ka akitipeiyor Yerusalem)

¹ Abu ayoŋ olelyan akalimokinio ebe, “Apena Kai ke Ekapolon.”

² Okoe Yerusalem, ikiwoi isua alopukei kon.

³ Edukitoe Yerusalem egogoŋ nooi erae etaun ŋolo epedorete ŋituŋa daadaŋ acunakin tooma keŋ.

⁴ Lotaun ŋol iŋes itipeete ŋikabilae, iŋes itipeete ŋikabilae ŋulu ke Ekapolon, akipuro Ekapolon ikwapei ecikitor Ekapolon Ŋisirael.

⁵ Nen iŋes iboiyoto ŋirwosi a Ŋisirael aŋuna ka atubonokin ŋituŋa kec.

⁶ Kilipa aŋuna ke ekisil a Yerusalem ibasi, “Ikilipi kiboiyete ejok ŋulu ikiminasi iyoŋ Yerusalem.

⁷ Ikilipi toyakaun ekisil neni a ŋulu eya tooma ŋarwatatain kon ikilipi toyakaun ekisil nakiboisyo kon ŋuna ka apukan.”

⁸ Aŋuna a ŋikaitotoi kaŋ ka ŋikonei kaŋ, atemari, “Toyai ekisil tooma kon.”

⁹ Aŋuna ka Akai ke Ekapolon a ŋolo erae Akuj yok, elipi ayoŋ aŋuna ka ajokis kon Yerusalem.