Ŋikiru. 121 - Ebaibul

Alimokinet ŋina ikiuryaria Akuj (Eete a ŋulu itipeete Yerusalem)

¹ Erere ayoŋ alomukura, nai ai mono aryamunia ayoŋ akiŋarakino?

² Ebuni akiŋarakino kaŋ aneni ke Ekapolon, a ŋolo abu tosub nakuj ka akwap.

³ Nyikimyekini iŋes iyoŋ toryamu ŋican; anerae ekenyi jik ka etenit akiŋarakin.

⁴ Tonup atemar ekenyi jik ka etenit akiŋarakin, ekeŋarakiniton ŋolo a Ŋisirael.

⁵ Ekapolon iŋes ikiyoki iyoŋ; eyai iŋes diyete kon, aiun iyoŋ.

⁶ Nyikiwani iyoŋ akoloŋ naparan, kori elap nakwaare.

⁷ Ikiuni iyoŋ Ekapolon alocan a daadaŋ, ikidari iŋes iyoŋ torubak iyari emam ŋace.

⁸ Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.