Ŋikiru. 120 - Ebaibul

Akilip aŋuna ka alakuno aneni a ŋulu eyanyak (Eete a ŋulu itipeete kidiama)

¹ Alotooma ŋican kaŋ, abu ekaloik Ekapolon, ikotere iŋes akaboŋokini ayoŋ. Abu otema,

² “Tolakunae ayoŋ, okoe Ekapolon, tolakunae ayoŋ alotuŋa a ŋulu alyokonok tolakunae ayoŋ alotuŋa a ŋulu amodiyanak.”

³ Iyes ŋikalyokonok, anukiro itiyakini Akuj neni kus? Iyes ŋikamodyanakinak, anu ŋace itiyakini Akuj neni kus?

⁴ Ikigumugumui iŋes iyes a ŋikaleŋeleŋe a ŋulu akwanak a ŋulu a ŋikajiok, ikicunyi a ŋatotol a ŋuna eriraete.

⁵ Oi acakar bare ca ayoŋ aŋuna eboiyo alo Mecek! Acakar bare ca aŋuna eboiyo alokidiŋ ŋituŋa ŋulu a Kedar!

⁶ Eboi ayoŋ akaoyan, ikirukit ka ŋituŋa ŋulu nyecamito ekisil.

⁷ Amina ayoŋ ekisil, nai ani erworikini ayoŋ ŋuna ke ekisil, ecamito ikes ejie.