Ŋikiru. 12 - Ebaibul

adyekitoi aŋuna ka akiŋarakino anapakio a ŋuna aronok (Ekiruk a Daudi neni a ŋolo apolokinit aeore)

¹ Okoe Ekapolon, kiŋarakinae ayoŋ, anerae mam nabo ituŋanan eriŋa ikikinyomit iyoŋ; adaunosi alotuŋa ŋulu ikikinyomito iyoŋ.

² Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

³ Elipi Ekapolon kisililiŋ ŋakituka ŋuna itobobotoi ŋun, kisililiŋ ŋaŋajepa ŋuna iturosi nooi ŋun

⁴ ŋuna ebasi “Eiunoi isua a ŋakituka kosi, erae ŋakituka kosi ŋuna kosi a ŋilopeyek, ŋae erae ekapolon kosi?”

⁵ Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

⁶ Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

⁷ Okoe Ekapolon, iyoŋ ikiuni isua. Ikiuryari iyoŋ isua alotuŋa a ŋulu aronok a ŋul ŋikaru ka ŋikaru.

⁸ Irimito ŋituŋa ŋulu aronok ŋakiboisyo daadaŋ. Itopoloorito ŋituŋa ŋakiro ŋuna aronok.