Ŋikiru. 114 - Ebaibul

Ŋiticisyo ŋulu ka aumokin ŋulu etiyae Akuj apaki ŋina ka Awosit

¹ Ani erotokinete Ŋisirael alo Ijipit, apaki ŋina arotokinioto ŋipapae a Yakob alotuŋa a ŋulu agelaana a ŋajep kec,

² abu Yudaya toruwor neni ilipere Akuj, toruwor Ŋisirael ŋituŋa ŋulu ka Akuj.

³ Abu anam ŋina Areŋan totyaik ikes ka abu aŋolol Yorodan tojoŋo alel;

⁴ apotu ŋimoru tomaranikis, apotu ŋimukura tomaranikis.

⁵ Kaanukiro, abunio anam totyaikinia ikes? Kaanukiro abunio Yorodan, tojoŋo alel?

⁶ Kaanukiro aponiata ŋimoru tomaranikiniata? Kaanukiro aponiata ŋimukura tomaranikiniata?

⁷ Emaikina iyoŋ akwap tomaranik ebuni Ekapolon, emaikina iyoŋ tomaranik ebuni Akuj a Yakob,

⁸ Akuj ŋina abu kituruwo ataaba atapar ŋina eya ŋakipi, kituruwo ataaba ŋina agogoŋon elelya ŋolo a ŋakipi.