Ŋikiru. 113 - Ebaibul

Akuj erae akeŋarakiniton a ŋulu eyakatar akiitanit

¹ Kipuroe Ekapolon! Kipuro Ekapolon, iyes ŋiketiyak keŋ, kipuro ekiro ke Ekapolon.

² Emaikina kipuroe ekiro ke Ekapolon, tokona ka ŋikaru ka ŋikaru.

³ Emaikina kipuroe ekiro ke Ekapolon, ŋinapei elomuni akoloŋ tari edoiyori akoloŋ.

⁴ Ekapolon iŋes ipukat ŋakwapin daadaŋ, edolit akipuro iŋes tari kidiama nakuj.

⁵ Ŋae ikwaan ke Ekapolon Akuj yok, ŋina ipukat alokidiama nooi,

⁶ ŋina erounit ibore daadaŋ ŋini alokidiama ka ŋini alokwap?

⁷ Iŋaranakini ŋikulyak tojoŋoto akiboi anapuwa iŋaranakini ŋulu aŋican tojoŋoto akiboi anatukon a ŋikurono;

⁸ ido kisiboik ikes ka ŋikapolok, kisiboik ikes ka ŋikapolok ŋulu a ŋituŋa keŋ.

⁹ Einakini ŋidwe neni ka aberu a ŋina emam ŋidwe einakini iŋes aruwor aberu ŋina elakara aŋuna a ŋidwe. Kipuroe Ekapolon!