Ŋikiru. 110 - Ebaibul

Akiteyenikinet ŋina ka akiloun ŋina a esacaradoti a ŋolo arae erwosit ŋolo ka Akuj

(Ekiruk a Daudi.)

¹ Atema Ekapolon neni a ekapolon kaŋ ebe, “Kiboikin teten kaŋ, akitodol neni ewuakinia ŋimoe kon napedor kon.”

² Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

³ Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

⁴ Adau Ekapolon akikoŋ, ido nyilocokini nabo ŋatameta keŋ tema, “Irae iyoŋ esacaradoti ŋoloruba, lopite ŋolo ke esacaradoti a ŋolo anyaritae Melekisedek.”

⁵ Eyai Ekapolon teten kon; ielielaari iŋes ŋirwosi akoloŋit ŋina ka anyunyura keŋ.

⁶ Etubokini iŋes ŋituŋa a ŋakwapin, ilelebikini ŋalyalin nakwapin; ielielaari ŋikepukak ka akwap a daadaŋ.

⁷ Emasi erwosit ŋakipi anayonae a ŋina alodiyete erot, aŋun, itogogoŋio iŋes ka erubakini erae ekelounan.