Ŋikiru. 11 - Ebaibul

Eete ŋolo ikinyomitere Akuj (Neni a ŋolo apolokinit ŋieosyo a Daudi)

¹ Neni ke Ekapolon iŋes aryamunia ayoŋ aiuno; kaanukiro ikilimonokiniata iyes ayoŋ ebe, “Tosi kidiama ŋimoru ikwa ikenyit,

² anerae eketakis ŋulu aronok akau, ewuakis ekaleŋeleŋet nauno agumya anakiryonut ŋituŋa ŋulu iyookino alotai.

³ Ani kemunaar ŋakiro daadaŋ, nyo epedori ituŋanan ŋini iyookino akitiyakin?”

⁴ Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

⁵ Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

⁶ Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

⁷ anerae iyookino Ekapolon, elakara iŋes aŋuna a ŋiticisyo a ŋulu iyookino, eyakaun ŋituŋa ŋulu iyookino neni eyai Akuj.