Ŋikiru. 101 - Ebaibul

Akiikinet a erwosit akiboi pa itoroniyaritae ka iyookino (Ekiruk a Daudi)

¹ Aeikini ayoŋ ŋuna ka amina ka akiyookino kon, aeikini ayoŋ neni kon, okoe Ekapolon.

² Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

³ Nyacamuni ayoŋ aronis eyai neni kaŋ. Aremokino ayoŋ ŋiticisyo a ŋulu ikiŋerito iyoŋ; nyacamuni ayoŋ ikes jik.

⁴ Nyeyakaun lotau kaŋ akitiya aronis, nyetiyae ayoŋ aronis tari adio.

⁵ Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

⁶ Aminakini ayoŋ ŋulu ikinyoma anakwap, ikotere ikes ikiboi ka ayoŋ; ŋini daadaŋ iboi pa itoronitae eruwor eketiyan kaŋ.

⁷ Mam ipei daŋ ŋulu irworosi amodiyo ŋini iboikin kai kaŋ; mam ipei daŋ a ŋulu irworosi alyokonu ŋini ewoi alokiŋaren kaŋ.

⁸ Amunyari ayoŋ a ŋinataparacu daadaŋ ŋulu aronok anakwap; amunyari ayoŋ alotaun ke Ekapolon daadaŋ ŋulu itiyaete aronis.