Ŋikiru. 1 - Ebaibul

EKITAABO 1 (Ŋikirukisyo 1—41 ) Alakara ŋina a kire

¹ Elakara ŋituŋa ŋulu nyiwuapito ŋicocoi a ŋituŋa a ŋulu aronok, kori nyiwuapito ŋipitesyo a ŋikasecak, kori ŋulu nyiboiyonokin natukot a ŋulu ejamuwarito Akuj;

² akilo ŋun, elelyanete ikes anakiwuapit ŋikisila ŋulu ke Ekapolon, ido etamatamaete ikes ŋikisila ŋul naparan ka nakwaare.

³ Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

⁴ Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

⁵ Aŋun, nyepedorete ŋulu aronok akiwo anatubokino, nyepedorete tari ŋikasecak ayakaun natukot a ŋulu iyookino;

⁶ anerae idarit ka iyokit Ekapolon ŋulu iyookino, nai etwakiyarete ŋulu aronok.