Ŋakit. 8 - Ebaibul

Ŋainakineta ŋuna ka aosou

¹ Kiirasi, enyara aosou, enyara ayenut a etoil a ŋolo apolon.

² Ikinyarit iŋes iyes alokidiama ŋimukura ka alodiyete erot, eyai iŋes a ŋinapaki nakikicaret a ŋirotin,

³ eyai iŋes a ŋinapaki diyete ŋipukei ŋulu a etaun, ikinyarit iŋes iyes a etoil a ŋolo apolon alodiyete ŋipukei ebala,

⁴ “Okoe ŋituŋa, akanyarit ayoŋ iyes, anyarit ayoŋ ŋituŋa a akwap a daadaŋ a etoil a ŋolo apolon.

⁵ Iyes ŋulu ibaŋaaka, toryamutu ayakau ka ŋipitesyo ŋulu ajokak. iyes ŋulu imamukatar apiiryanut, toryamutu apiiryanut.

⁶ Kiirasi ŋakiro kaŋ ŋuna ajokak nooi, alimuni ayoŋ anakituk kaŋ ŋakiro iyookino.

⁷ Erae ŋakiro ŋuna erworo ayoŋ ŋuna a kire; akaronikinit ayoŋ akirworo ŋakiro ŋuna aronok.

⁸ Iyookino ŋakiro daadaŋ ŋuna erworo ayoŋ, emam ŋuna erae alyokonu, kori ŋuna ikimodiyarete.

⁹ Ilereete ikes aneni a daadaŋ a ŋulu eyakatar ayenut, iyookino ikes aneni a daadaŋ a ŋulu eryamunito aosou.

¹⁰ Toseutu acamun ŋakiro ŋuna eketatami ayoŋ iyes, akilo iyes aseun acamun esilipa, toseutu acamun aosou, akilo iyes aseun acamun egolid ŋolo eliitae.

¹¹ Ejok aosou nooi akilo ŋinapen ŋulu itiyaunitae a ŋamoru a ŋuna amilimilak, emam aloboro a ŋulu iitana a daadaŋ ŋini epedoryo akisikwaanikin ka aosou.

¹² Irworo aosou atemar ikiyakar ka ŋipitesyo ŋulu ajokak, aryamunit ayoŋ aosou ka ayeni ŋuna kitiyakina.

¹³ Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

¹⁴ Ikiyakar ayoŋ ŋakiro ŋuna ajokak ka aosou ŋina ileere ejok nooi, ikiyakar ayoŋ ayenut ka agogoŋu.

¹⁵ Erae aŋuna kaŋ ipukatotor ŋirwosi, erae aŋuna kaŋ etubioto ŋikepukak ŋakiro anakiyookino.

¹⁶ Erae aŋuna kaŋ ipukatotor ŋikepukak, erae aŋuna kaŋ ipukatotor ŋikapolok daadaŋ anakiyookino.

¹⁷ Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

¹⁸ Ikiyakar ayoŋ ebari ka apolou ŋuluinakina ŋini iŋita, ikiyakar ayoŋ ebari ŋolo ajokan ka akitiya ŋinibore ejok.

¹⁹ Ejokak ŋuna iryamuni iyoŋ aneni kaŋ iloito egolid, iloito tari egolid ŋolo eliitae, ejokak ŋuna epote aneni kaŋ akilo esilipa ŋolo eliitae.

²⁰ Ewuapit ayoŋ ŋuna ka akiyookino, ewuapit ayoŋ ŋuna a kire,

²¹ ainanakini ayoŋ ebari neni a ŋulu akaminasi ayoŋ, elelebianakini ayoŋ ŋisiliŋa neni iŋadaete ikes ŋisiliŋa kec.”

Ŋuna abu aosou kitiya anakisub ŋinibore

²² “Abu Ekapolon okosub ayoŋ isyakini etic keŋ, alimu aosou atemar, arae ayoŋ esyakini alotic keŋ a ŋolo akoloŋ.

²³ Aponi ayoŋ okosubun anakisyakinet, arae ayoŋ ekesyaunio asubun eriŋa akwap nyeyakauna.

²⁴ Aponi ayoŋ okosubun eriŋa ŋanamyo nyesubuna, aponi ayoŋ okosubun eriŋa ŋilelyan nyesubuna.

²⁵ Aponi ayoŋ okosubun eriŋa ŋimoru nyiwuakina neni eyakasi, aponi ayoŋ okosubun eriŋa ŋikamukumukui nyiwuakina neni eyakasi.

²⁶ Aponi ayoŋ okosubun eriŋa Ekapolon nyesubuna akwap ka ariet, kori eriŋa nyesubuna ŋalup ŋadi ŋuna ka akwap.

²⁷ Ayai ayoŋ nen iwuakini Ekapolon kidiama, ayai ayoŋ nen iwuakini Ekapolon neni isalyata ŋanamyo erae neni eluluŋ.

²⁸ Ayai ayoŋ nen iwuakini Ekapolon ŋidouwon kidiama, ayai ayoŋ nen iwuakini Ekapolon ŋiitan ŋulu elomuniata ŋakipi alokwap.

²⁹ Ayai ayoŋ nen iwuakini Ekapolon ekisal a ŋanamyo, ikotere ŋakipi nyepena neni alimunit iŋes atemar nyepena, ayai ayoŋ nen iwuakini Ekapolon ŋakisyakineta ŋuna ka akwap.

³⁰ Ayai ayoŋ diyete keŋ ikwapei ŋini eyeni akitiyaun ibore ejok, arae ayoŋ alakara aneni keŋ a ŋinakoloŋit, alelyani ayoŋ alokiŋaren a ŋinakoloŋit.

³¹ Alelyani ayoŋ anakwap keŋ a ŋina iboiyoto ŋituŋa, alakara ayoŋ aŋuna a ŋituŋa.

³² “Tokona nai ŋidwe kaŋ, kiirasi ŋakiro kaŋ nu: Erereŋ ŋulu iwuapete ŋuna alimu ayoŋ.

³³ Topupokisi ŋakiro ŋuna eketatami ayoŋ iyes ka toosok, nyijamakis ŋakiro ŋun.

³⁴ Erereŋ ituŋanan ŋini epupi ŋakiro kaŋ, erereŋ ŋini iboi a ŋinakoloŋit alopukei kaŋ, erereŋ ŋini idarit alodiyete ŋipukei kaŋ aryamun ŋuna ecamit.

³⁵ Iŋes daadaŋ ŋini akaryamuni ayoŋ, aryamu akiyar, iŋes daadaŋ ŋini akaryamuni ayoŋ aruwor ŋini ejok aneni a Ekapolon.

³⁶ Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”