Ŋakit. 2 - Ebaibul

Ajokis ŋina ka aosou

¹ Ikaakoku, ani kicamu iyoŋ ŋakiro kaŋ, ido kikinyom alotau kon ŋakiciketa kaŋ,

² ikiburite akiirar ŋakiro ŋuna ka aosou ka kimukekinite alotau kon ayenun ŋakiro ŋuna ka aosou,

³ ani kire kigwor iyoŋ aŋuna ka aryamun aosou, ido kirwor ikeunit ŋakiro kon ŋuna icamitor aryamun ayenut ŋakiro

⁴ ka ani kiwar iyoŋ ŋakiro ŋun ikwa iwaritere esilipa, kiwar ŋakiro ŋun ikwapei ebari ŋolo iwuaitae,

⁵ nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

⁶ Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

⁷ Eyakar Ekapolon aosou ŋina iloit daadaŋ aŋuna a ŋulu iyookino. Erae Ekapolon aupal a ŋulu iboiyete emam ŋuna itoroniyaritere.

⁸ Iyokit Ekapolon alorotin kec ŋulu iyookino, elemarit ibore ŋini aronon alorotin a ŋikanupak keŋ.

⁹ Ani kiirasi iyes ŋakiro kaŋ, iyenunete ŋuna iyookino ka ŋuna ajokak, ido itiyaete ŋuna daadaŋ itiyaete ŋituŋa ŋulu ajokak.

¹⁰ Iruwor iyoŋ ŋini ios, ikiinakini aosou iyoŋ alakara.

¹¹ Ikiuni iyoŋ ayenut ŋuna ajokak ŋuna emaikina kitiya ikiyokiuni iyoŋ ayenut ŋuna ajokak ŋuna emaikina kitiya.

¹² Ikiuni iyoŋ ayenut, ikotere nyiwuap ŋuna itiyaete ŋulu aronok ikiuni iyoŋ ayenut, ikotere nyirwor ŋuna irworosi ŋulu a ŋileec,

¹³ ŋulu eŋerito akiwuap ŋuna itiyaete ŋulu iyookino, ŋulu ebobokinit akitiya ŋuna nyiyookino.

¹⁴ Elelyanete ŋituŋa ŋul apaki ŋina itiyaata aronis, elakara ikes nooi apaki ŋina itiyaata aleeco kec ŋina aronon,

¹⁵ erae ikes ŋulu nyiyookino ŋuna itiyaete ka erae ikes ŋulu nyiwuapito ŋuna ejokak.

¹⁶ Ikiuni iyoŋ aosou tari anaberu a ŋina italit amalao, a ŋina itobobot ŋakiro keŋ aŋuna ka alomya,

¹⁷ a ŋina aesiki ekile keŋ ŋolo abu iŋes toryamu eriŋa esorokana, a ŋina emuryakis ŋakiro ŋuna abunio iŋes tocamunotor ka ekile ŋol.

¹⁸ Ŋuna itiyae aberu ŋin, erae ŋuna ikiyayete natwanare; erae ŋuna iwuapit iŋes ŋuna ikirikorete nakibois ŋina a ŋikatwak.

¹⁹ Ŋituŋa daadaŋ ŋulu eloseneneete naberu ŋin, nyeboŋuneneete a nen nyiloconokinete daŋ nabo ŋipitesyo ŋulu ka akiyar kec.

²⁰ Aŋun, kiwuap ŋuna itiyaete ŋituŋa ŋulu ajokak, torubak iwuapit ŋuna iwuapito ŋituŋa ŋulu iyookino,

²¹ anerae iboiyete ŋituŋa ŋulu iyookino anakwap ekaoyan, idoŋete nakwap ekaoyan ŋituŋa ŋulu emam ŋuna itoronitere.

²² Nai elemaryo anakwap ŋulu aronok, itoŋopiyaryo anakwap ŋulu nyeyakatar anupit neni ka Akuj.