Neem. 7 - Ebaibul

¹ Kedaun adukokin arwatata ka kadau ayoŋ akiwuakin ŋikekya, ŋiketeok ŋipukei, ŋikaeok ka keseun ŋilepi,

² abu ayoŋ oinak Anani lokaato kaŋ apolokin Yerusalem ka oinak Anania apolokin ŋasigarya ŋuna eyokiyete etaun anaduketait a ŋinajiet, anerae arae Anania ekile ŋolo ekinyoma ka etopoloorit Akuj akilo ŋituŋa ŋulu alalak.

³ Olimok ayoŋ ikes otema, “Nyemaikina ŋipukei a Yerusalem toŋaarae akitodol ŋina ikeunor akoloŋ. Ani eriŋa ŋiketeok ŋipukei eyakasi lopukei, emaikina togolitetei ka kiloritetei ŋipukei. Toseutu ŋasigarya alotuŋa a ŋulu iboiyete alo Yerusalem, ŋice kiwuakis ikes nakiboisyo ŋuna iteere etaun, ŋice diyete ŋakais kec.”

⁴ Alal etaun nai akudyoko ŋituŋa ŋulu ayakasi tooma keŋ ka ariŋa nyedukokina ŋakais.

Ŋirorwa a ŋituŋa a ŋulu aboŋunete anakwap a ŋina arikoritae

⁵ Abu nai Akuj kaŋ kiwuak natameta kaŋ acunakin ŋikapolok ka ŋikepukak ka ŋituŋa ŋuluce, ikotere kigirae ŋituŋa a ŋikalya atapapaa kec, ido abu ayoŋ oryamu ekitaabo ŋolo egiritae atapapaa a ŋituŋa a ŋulu aboŋunete ekiŋaren, abu oryamu nu igiritae lokitaabo ŋol:

⁶ Arae lu Ŋisirael ŋulu apotu toboŋut alo Babilon Yerusalem, nakwap a Yudaya; arae ikes ŋulu koloŋ kebu erwosit Nebukadinesar ya erae ŋirikon nakwap a Babilon, abu ŋinituŋanan toboŋo lotaun keŋ.

⁷ Aboŋunete ikes kaapei ka Serubabel, Yesua, Neemia, Asaria, Raamia, Naamani, Moridekai, Bilisan, Misiperes, Bigipai, Neum ka Baana. Erae lo ekimar a Ŋisirael a ŋulu apotu toboŋut nakwap a Yudaya:

⁸ Ŋiletok a Paros ŋalipyo ŋaarei ka apei miat ka ŋatomonikanikaarei ka ŋiarei,

⁹ ŋiletok a Sepatia ŋamiae ŋauni ka ŋatomonikanikaarei ka ŋiarei,

¹⁰ ŋiletok ka Ara ŋamiae ŋakanikapei ka ŋatomonikan ka ŋiarei,

¹¹ ŋiletok a Paas-Moab, ikes ŋiletok a Yesua ka Moab, arae ŋul ŋalipyo ŋaarei ka ŋamiae ŋakanikauni ka ŋitomon ka ŋikanikauni.

¹² Ŋiletok a Elam aliput ka ŋamiae ŋaarei ka ŋatomonikan ka ŋiomwon,

¹³ ŋiletok a Saitu ŋamiae ŋakanikauni ka ŋatomoniomwon ka ŋikan,

¹⁴ ŋiletok a Sakai ŋamiae ŋakanikaarei ka ŋatomonikanikapei,

¹⁵ ŋiletok a Binui ŋamiae ŋakanikapei ka ŋatomoniomwon ka ŋikanikauni,

¹⁶ ŋiletok a Bebai ŋamiae ŋakanikapei ka ŋatomoniarei ka ŋikanikauni,

¹⁷ ŋiletok ka Asigad ŋalipyo ŋaarei ka ŋamiae ŋauni ka ŋatomoniarei ka ŋiarei,

¹⁸ ŋiletok ka Adoni-Kam ŋamiae ŋakanikapei ka ŋatomonikanikapei ka ŋikanikaarei,

¹⁹ ŋiletok a Bigipai ŋalipyo ŋaarei ka ŋatomonikanikapei ka ŋikanikaarei,

²⁰ ŋiletok a Adin ŋamiae ŋakanikapei ka ŋatomonikan ka ŋikan,

²¹ ŋiletok ka Ater, ikes ŋiletok ka Esekia ŋatomonikanikaomwon ka ŋikanikauni,

²² ŋiletok ka Asum ŋamiae ŋauni ka ŋatomoniarei ka ŋikanikauni,

²³ ŋiletok a Besai ŋamiae ŋauni ka ŋatomoniarei ka ŋiomwon,

²⁴ ŋiletok ka Arip apei miat ka ŋitomon ka ŋiarei,

²⁵ ŋiletok a Gibeon ŋatomonikanikaomwon ka ŋikan,

²⁶ arae ekimar a ŋituŋa a Betelem ka Netopai amiat ka ŋatomonikanikauni ka ŋikanikauni,

²⁷ ŋiletok ka Anasos amiat ka ŋatomoniarei ka ŋikanikauni,

²⁸ ŋiletok a Besasimapes ŋatomoniomwon ka ŋiarei,

²⁹ ŋiletok a Kirias-Yearim, Kepira ka a Beeros ŋamiae ŋakanikaarei ka ŋatomoniomwon ka ŋiuni,

³⁰ ŋiletok a Rama ka Geba ŋamiae ŋakanikapei ka ŋatomoniarei ka ipei,

³¹ ŋiletok a Mikimas amiat ka ŋatomoniarei ka ŋiarei,

³² ŋiletok a Besel ka Ai amiat ka ŋatomoniarei ka ŋiuni,

³³ ŋiletok a Nebo ŋatomonikan ka ŋiarei,

³⁴ ŋiletok a Elam aliput ka ŋamiae ŋaarei ka ŋatomonikan ka ŋiomwon,

³⁵ ŋiletok ka Arim ŋamiae ŋauni ka ŋatomoniarei,

³⁶ ŋiletok a Yeriko ŋamiae ŋauni ka ŋatomoniomwon ka ŋikan,

³⁷ ŋiletok a Lod, Adid ka Ono ŋamiae ŋakanikaarei ka ŋatomoniarei ka ipei,

³⁸ ŋiletok a Senaa ŋalipyo ŋauni ka ŋamiae ŋakanikaomwon ka ŋatomoniuni,

³⁹ ŋiletok a ŋisacaradotin ikes ŋiletok a Yedaia, iŋes ekal a Yesua ŋamiae ŋakanikaomwon ka ŋatomonikanikaarei ka ŋiuni,

⁴⁰ ŋiletok a Imer aliput ka ŋatomoniomwon ka ŋiarei

⁴¹ ŋiletok a Pasur apeiliput ka ŋamiae ŋaarei ka ŋatomoniomwon ka ŋikanikaarei,

⁴² ŋiletok ka Arim aliput ka ŋitomon a ŋikanikaarei,

⁴³ ŋiletok a ŋilepi ikes lu: Ŋiletok a Yesua, ikes ŋiletok a Kadimiel aloletok ka Odepa ŋatomonikanikaarei ka ŋiomwon,

⁴⁴ ŋiletok a ŋikaeok ikes ŋiletok ka Asap amiat ka ŋatomoniomwon ka ŋikanikauni,

⁴⁵ ŋiletok a ŋiketeok a ŋipukei ikes ŋiletok a Salum, Ater, Talimon, Akub, Atita, Sobai arae ŋul daadaŋ amiat ka ŋatomoniuni ka ŋikanikauni.

⁴⁶ Ŋiletok a ŋiketiyak ka Akai ka Akuj ikes ŋiletok a Sia, Asupa, Tabaos,

⁴⁷ Keros, Sia, Padon,

⁴⁸ Lebana, Agaba, Salimai,

⁴⁹ Anan, Gidel, Gaar,

⁵⁰ Reaia, Resin, Nekoda,

⁵¹ Gasam, Pasea, Usa,

⁵² Besai, Meunim, Nepusesim,

⁵³ Bakibuk, Akupa, Arur,

⁵⁴ Basilis, Meida, Arisa,

⁵⁵ Barikos, Sisera, Tema,

⁵⁶ Nesia ka Atipa.

⁵⁷ Ŋiletok a ŋiketiyak a Solomon ikes ŋiletok a Sotai, Soperes, Perida,

⁵⁸ Yaala, Darikon, Gidel,

⁵⁹ Sepatia, Atil, Pokeres-Asebaim ka Amon.

⁶⁰ Arae ekimar a ŋiletok a ŋiketiyak a Akai ka Akuj ka ŋiletok a ŋiketiyak a Solomon ŋamiae ŋauni ka ŋatomonikanikaomwon ka ŋiarei,

⁶¹ Erae lu ŋituŋa ŋulu apote alo Teli-Mela, Tele-Arisa, Kerub, Adon ka Imer; nai aponi nyeyenun ŋatekerin kec, kori atapapaa kec, nyeyenun kerae ikes ŋiletok a Ŋisirael, kori pa kerae:

⁶² Ŋiletok a Delaia, Tobia, Nekoda, ŋamiae ŋakanikapei ka ŋatomoniomwon ka ŋiarei,

⁶³ aya daŋ nen ŋiletok a ŋisacaradotin, ikes ŋiletok a Obaia, Akos ka Barisilai (ŋolo abu kiit nakoku a Barisilai a ŋolo alo Gilead, ido anyaritae iŋes a ekiro kec).

⁶⁴ Apotu ŋul kiwara ŋirorwa kec lokitaaboi ŋulu egiritae ŋirorwa a ŋiletok a Ŋisirael daadaŋ, nai aponi nyeryamun ŋirorwa kec alokitaaboi a ŋul, aŋun, aponi nyimarakin ikes nasacaradotanu temarae nyesegak ikes.

⁶⁵ Aŋun, abu ekepukan tolimok ikes atemar nyemaikina ikes kimuja ŋamuja ŋuna itesegitae, mati kilamilam esacaradoti toyenunia ŋakiro ŋuna emaikina ikes kitiyata.

⁶⁶ Arae ekimar a ŋituŋa a daadaŋ a ŋulu apotu toboŋut Yerusalem alo Babilon ŋalipyo ŋatomoniomwon ka ŋiarei ka ŋamiae ŋauni ka ŋatomonikanikapei

⁶⁷ pa imarakinitae ŋipi ka ŋapi kec ŋulu arae ekimar kec ŋalipyo ŋakanikaarei ka ŋamiae ŋauni ka ŋatomoniuni ka ŋikanikaarei, ido ayakatar ikes ŋikaeok ŋamiae ŋaarei ka ŋatomoniomwon ka ŋikan, ŋikilyok ka ŋaberu.

⁶⁸ Ayakatar ikes ŋaŋolei ŋamiae ŋakanikaarei ka ŋatomoniuni ka ŋakanikapei ka ŋaŋolei-Sigirya ŋamiae ŋaarei ka ŋatomoniomwon ka ŋakan,

⁶⁹ ŋikaala ŋamiae ŋaomwon ka ŋatomoniuni ka ŋikan ka ŋisigirya ŋalipyo ŋakanikapei ka ŋamiae ŋakanikaarei ka ŋatomoniarei.

⁷⁰ Apotu ŋikapolokinitok ŋatekerin ŋice inanakis anacamit kec ŋainakineta aŋuna ka Akai ka Akuj. Abu ekepukan kiwuak kai ŋina ka abaru ŋakiloi ŋakanikauni ŋuna a egolid, ŋabesenio ŋatomonikan, ŋikaasoi a ŋisacaradotin ŋamiae ŋakan ka ŋatomoniuni.

⁷¹ Apotu ŋikapolokinitok a ŋatekerin ŋice tolemut ŋakiloi a egolid amiat ka ŋatomonikanikapei ka ŋakanikauni ka ŋakiloi aliput ka ŋamiae ŋaarei ka ŋatomonikan ŋuna a esilipa aŋuna ke etic a ŋolo ka akiduk.

⁷² Tosodi apotu ŋituŋa ŋuluce inakis ŋakiloi amiat ka ŋatomonikanikapei ka ŋakanikauni ŋuna ke egolid, ŋakiloi amiat ka ŋatomoniomwon ŋuna a esilipa ka ŋikaasoi a ŋisacaradotin ŋatomonikanikapei ka ŋikanikaarei.

⁷³ Aŋun, apotu ŋisacaradotin, ŋilepi, ŋiketeok ŋipukei, ŋikaeok ka ŋituŋa ŋice ta ŋiketiyak a Akai ka Akuj ka Ŋisirael ŋuluce daadaŋ kiboikinotor lotaunio kec. Ani edoli elap ŋolo a ŋikanikaarei, apaki ŋin aris Ŋisirael daadaŋ kiboikinosi lotaunio kec,