Neem. 10 - Ebaibul

¹ Nakaratas ŋina ipucakinitae ŋin, eyakasi ŋirorwa a Neemia a ekepukan a ŋolo arae lokoku ka Akalia ka ŋolo a Sedekia,

² Seraia, Asaria, Yeremia,

³ Pasur, Amaria, Maliciya,

⁴ Atus, Sebania, Maluk,

⁵ Arim, Meremos, Obadia,

⁶ Daniel, Gineson, Baruk,

⁷ Mesulam, Abia, Miyamun,

⁸ Maasia, Biligai, Semaia, arae ŋul ŋisacaradotin.

⁹ Ŋilepi ikes lu: Yesua lokoku ka Asania, Binui lokoku Anedad, Kadimel;

¹⁰ ŋirukitos kec ikes lu: Sebania, Odia, Kelita, Pelaia, Anan,

¹¹ Mika, Reob, Asabia,

¹² Sakur, Serebia, Sebania,

¹³ Odia, Bani, Beninu.

¹⁴ Ŋikarikok a ŋituŋa ikes lu: Paros, Paas-Moab, Elam, Satu, Bani,

¹⁵ Buni, Asigad, Bebai

¹⁶ Adonia, Bigipai, Adin,

¹⁷ Ater, Esekia, Asur,

¹⁸ Odia, Asum, Besai,

¹⁹ Arip, Anasos, Nebai,

²⁰ Magipias, Mesulam, Esir,

²¹ Mesesabel, Sadok, Yadua,

²² Pelatia, Anan, Anaia,

²³ Osea, Anania, Asub,

²⁴ Aloes, Pila, Sobek,

²⁵ Reum, Asabina, Maaseia,

²⁶ Aia, Aanan, Anan,

²⁷ Maluk, Arim ka Baana.

Ŋakiro a Acamunet ituuruwuanitae

²⁸ Apotu ŋituŋa ŋuluce lu daadaŋ: Ŋisacaradotin, ŋilepi, ŋiketeok ŋipukei, ŋikaeok, ŋiketiyak ka Akai ka Akuj ka daadaŋ ŋulu apotu totyakaros alotuŋa a ŋakwapin aŋuna ka akiwuap ŋikisila ŋulu ka Akuj, kaapei ka ŋaberu kec, ŋidwe kec ŋulusapa ka ŋulupesur ka daadaŋ ŋulu ayakatar aosou ka ayenut,

²⁹ kimorikin ka ŋiyeneta kec ta ŋikapolok kec tocamut aryamun ŋicen erae pa kiwuap ŋikisila a Akuj ka kikoŋo akiwuap ŋikisila ŋulu ka Akuj, ŋulu ainakini Moses ŋolo arae eketiyan ka Akuj ikes ka akiwuap ejok ŋakiciketa daadaŋ ŋuna ke Ekapolon Akuj yok ka ŋikisila keŋ ka ŋakiro ŋuna etubunit iŋes.

³⁰ Nyeinakinio isua ŋidwe kosi ŋulupesur kiitarae lotuŋa a ŋakwapin, kori nyiitunio isua ŋidwe kec ŋulupesur aŋuna a ŋidwe kosi a ŋulusapa;

³¹ tosodi ani keyaut ŋituŋa a ŋakwapin ŋiboro ŋulu egyelanaryo, kori ŋikinyom ŋidi agyelanar akoloŋit ŋina a Sabato, nyegyelio isua ŋiboro ŋul akoloŋit ŋina a Sabato, kori akoloŋit adio ŋina asegan, nyitaunio isua ŋinyomen ŋidi ekaru ŋolo a ŋikanikaarei ka etacio isua ŋamicae daadaŋ ekaru ŋol.

³² Ikicamu daŋ isua atacenen a ŋolokaru atutubet apei alotooma ŋiuni a ecekel aŋuna ke etic a ŋolo ka Akai ka Akuj

³³ aŋuna a ŋamugati a ŋuna iwuanakinio lomesa a ŋilaino, aŋuna ka ainakinet a ŋina a ŋikinyom a ŋina sek ainanakinio, aŋuna a ainakinet a ŋina epeyo a ŋina sek emaikina einanakinio, aŋuna a ŋainakineta aŋuna a Sabato, aŋuna ke elap a ŋolokitete, aŋuna a ŋasuban aŋuna sek ikicikitae akinumunum, aŋuna a ŋainakineta aŋuna asegak ka aŋuna a ŋainakineta a ŋuna ka asecit, ikotere emookunere Ŋisirael ta aŋuna ke etic a daadaŋ a ŋolo ka Akai ka Akuj kosi.

³⁴ Adaun daŋ isua ŋisacaradotin, ŋilepi ka ŋituŋa ŋuluce akilamilam aŋuna a ŋainakineta a ŋakito, ikotere eyeununio ateker ŋina emaikina yau ŋakito alotooma apaki ŋina etubokinitae ikes a ŋolokaru; emaikina yaunae ŋakito ŋun Kai ka Akuj aŋuna ka akinokia akim alokidiama Namuroet a Ekapolon kosi, lopite ŋolo igiritere lokisila.

³⁵ Ikicamu daŋ isua ayaunun a ŋolokaru Kai ka Akuj kosi ŋaraito ŋuna eŋarenok alomanikorin kosi ka ŋaraito a ŋikito a daadaŋ ŋuna eŋarenok,

³⁶ Ikicamu daŋ isua ayaunun ŋidwe kosi ŋulusapa ŋulu kiyae ka ŋikiyae a ŋaatuk kosi lopite ŋolo igiritere lokisila ka ŋikiyae a ŋamesekin kosi Kai ka Akuj kosi ka neni a ŋisacaradotin a ŋulu itiyaete nen.

³⁷ Eyaununuyo daŋ isua amurat kosi ŋina esyaunan ka ŋainakineta kosi, ŋaraito ŋuna a ŋikito a daadaŋ ŋuna esyaunak a epiini ka akimyet. Eyaununio isua ŋul neni a ŋisacaradotin ka nagulei ŋuna iŋadao ŋiboro alo Kai ka Akuj kosi, acamun daŋ isua ayaunun neni a ŋilepi atutubet apei alotooma ŋitomon a ŋiboro a ŋulu itaunio isua, anerae ŋilepi ikes iriraete atutubet apei alotooma ŋitomon a ŋiboro alotaunio kosi a ŋulu cicik a daadaŋ.

³⁸ Emaikina ŋisacaradotin, ikes ŋiletok ka Aron toyakas kaapei ka ŋilepi apaki ŋina ijauniata ŋilepi ŋatutubeta ŋapeipei alotooma ŋitomotomoe a ŋiboro a ŋituŋa, ido ŋilepi ikes eyaunete atutubet apei alotooma ŋitomon a ŋiboro a ŋul Kai ka Akuj kosi, nagulei ŋuna ka akai a ŋina iŋadao ŋiboro.

³⁹ Emaikina Ŋisirael kaapei ka ŋilepi yaanasi ŋainakineta kec ŋuna a ŋikinyom, ŋuna a epiini, a akimyet nagulei ŋuna iŋadao ŋiboro, neni eya ŋiboro ŋulu isitiyao anakibois a ŋina asegan ka neni eya ŋisacaradotin ŋulu itiyanakinete Ekapolon ka neni eya ŋiketeok ŋipukei ta ŋikaeok. Nyikijamakini isua Akai ka Akuj kosi.