Biblia Todo Logo
Bìoball air-loidhne

- Sanasan -

Isa. 55 - Ebaibul


Anyaritoi nakiyar ŋina ka alakara

1 Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

2 Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

3 Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

4 Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

5 Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

6 Kiwara Ekapolon eriŋa epatana aryamun iŋes, tonyarata iŋes eriŋa eapi,

7 emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

8 Ebala Ekapolon, “Nyeriyan ŋatameta kaŋ ka ŋuna kus, kori nyewuapit ayoŋ ŋuna iwuapito iyes.

9 Ikwapei elwania kidiama alokwap, elwaka ŋuna ewuapit ayoŋ aneni a ŋuna iwuapito iyes ka nyeriyan ŋatameta kaŋ ka ŋuna kus.

10 Ikwapei edounio akiru ka ŋakako alokidiama, ido nyeboŋosi kidiama mati mono kitapalala akwap, kituruput alokwap ŋicok a ŋinya ka ŋikito, inakis ŋicok apenare naturot, ido inakis eketan akimuj ŋina imuji,

11 ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

12 “Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

13 Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Ngakarimojong Interconfessional Bible © Bible Society of Uganda, 2008.

Bible Society of Uganda
Lean sinn:



Sanasan