Esta 10 - Ebaibul

Topoloor Moridekai

¹ Kitelem erwosit Ausero ŋituŋa akwap keŋ ka ŋulu eboiyete alotooma ŋiculae ka anam ocur.

² Ŋiticisyo ka Ausero daadaŋ, ŋuna ka apedor ka agogoŋu keŋ, kaapei ka ŋuna ka apolou a ŋina ainakini erwosit Moridekai daadaŋ, igiritae lokaabo ŋolo a ŋakiro a ŋirwosi a Media ka Perisia.

³ Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.